ജിദ്ദ: ഹ്രസ്വ സന്ദർശനാർത്ഥം ജിദ്ദയിൽ എത്തിയ കൊണ്ടോട്ടിയിലെ സാമൂഹ്യ,സാംസ്കാരിക,രാഷ്ട്രീയ രംഗത്തെ പ്രമുഖനും,കൊണ്ടോട്ടി ടൗൺ പൗരസമിതി പ്രസിഡന്റുമായ കല്ലുങ്ങൽ ബഷീറിന് കൊണ്ടോട്ടി സെന്റർ ജിദ്ദ അബീർ ഓഡിറ്റോറിയത്തിൽ സ്വീകരണം നൽകി. പ്രസിഡന്റ് മൊയ്തീൻ കോയ കടവണ്ടിയുടെ അധ്യക്ഷതയിൽ സലീം മധുവായി പരിപാടി ഉദ്ഘാടനം ചെയ്തു. കബീർ കൊണ്ടോട്ടി മുഖ്യ പ്രഭാഷണം നിർവ്വഹിച്ചു.
എ.ടി ബാവതങ്ങൾ,ഗഫൂർ ചുണ്ടക്കാടൻ,ഇർഷാദ് കളത്തിങ്ങൽ,മായിൻ കുട്ടി കുമ്മാളി,കബീർ നീറാട്,പി.സി.അബൂബക്കർ,ജംഷി കടവണ്ടി എന്നിവർ സംസാരിച്ചു. കബീർ തുറക്കൽ ഖിറാഅത്ത് നടത്തി. കൊണ്ടോട്ടി സെന്റർ ജിദ്ദയുടെ ഉപഹാരം മൊയ്തീൻകോയ കടവണ്ടി ബഷീർ കല്ലുങ്ങലിന് കൈമാറി. ജനറൽ സെക്രട്ടറി റഹ്‌മത്ത്അലി എരഞ്ഞിക്കൽ സ്വാഗതവും ട്രഷറർ റഫീഖ് മാങ്കായി നന്ദിയും പറഞ്ഞു.അഷ്റഫ് കൊട്ടേൽസ്,ഷാലു,ഇസ്മായിൽ നെടിയിരുപ്പ്,കെ.കെ.സി സലാം,റഫീഖ് മധുവായി എന്നിവർ നേതൃത്വം നൽകി.