റിയാദ്- പൊന്നാനി റിയാദ് അസോസിയേഷന്‍ ഫോര്‍ വെല്‍ഫെയര്‍ 27 ാം വാര്‍ഷിക ജനറല്‍ബോഡിയും ഫാമിലി മീറ്റും അല്‍മനാഖ ഇസ്ത്തിറാഹയില്‍ സംഘടിപ്പിച്ചു.
മാസ്റ്റര്‍ റാസി അഹ്മദിന്റെ ഖിറാഅത്തോട് കൂടി ആരംഭിച്ച വാര്‍ഷിക ആഘോഷപരിപാടിയില്‍ പ്രസിഡണ്ട് പി.വി അബ്ദുല്‍ ഖയ്യൂം അധ്യക്ഷത വഹിച്ചു. വാര്‍ഷികസാമ്പത്തിക റിപ്പോര്‍ട്ട് സെക്രട്ടറി ഷഹീര്‍ പൊന്നാനി അവതരിപ്പിച്ചു. ട്രഷറര്‍ കെ വി അബൂബക്കര്‍, മുന്‍ പ്രസിഡന്റുമാരായ ഹസന്‍ പൂക്കോയ തങ്ങള്‍ കെ.ട്ടി അബൂബക്കര്‍, പൊന്നാനിയിലെ വിവിധ സംഘടനാ പ്രതിനിധികളായ ഹനീഫ പൊന്നാനി, റസൂല്‍ സലാം, ശംസു പൊന്നാനി, ബേബി, ഫൈസല്‍ എന്നിവര്‍ ആശംസകള്‍ നേര്‍ന്നു സംസാരിച്ചു. വൈസ് പ്രസിഡന്റ് ഫൈസല്‍ തങ്ങള്‍ നന്ദി പറഞ്ഞു.
27 വര്‍ഷം സേവനമനുഷ്ഠിച്ച സംഘടനയുടെ മുതിര്‍ന്ന അംഗങ്ങളെ മെമന്റോ നല്‍കി ആദരിച്ചു. പൊന്നാനി ഡയാലിസിസ് സെന്ററിലേക്ക് സംഘടന സംഭാവന ചെയ്യുന്ന ഡയാലിസിസ് മെഷീന്‍ ജൂണ്‍ രണ്ടാം വാരത്തില്‍ പൊന്നാനി എംഎല്‍എ നന്ദകുമാറിന്റെ സാന്നിധ്യത്തില്‍ കൈമാറാന്‍ തീരുമാനിച്ചു. കുടുംബ സംഗമത്തോടനുബന്ധിച്ചു, വടം വലിമത്സരം, പാചകമത്സരം, ക്വിസ് കോമ്പിറ്റീഷന്‍, നാടകം, കുട്ടികളുടെ മത്സരങ്ങള്‍ തുടങ്ങി വിവിധ കലാകായിക മത്സരങ്ങളും സംഘടിപ്പിച്ചു.
പരിപാടിക്ക് എക്‌സിക്യൂട്ടീവ് അംഗങ്ങളായ ഇഷാര്‍ ഇബ്രാഹിം, അമീന്‍ ബിസ്മി, ഹിഷാം അബൂബക്കര്‍, ബഷീര്‍, മുജീബ്, സുഹൈല്‍ മഖ്ദൂമി, സഫീര്‍, ഷാജി, ബജീഷ്, റഹീം, മുസ്തഫ, നൂറുദ്ദീന്‍, ഷിബിന്‍, സാഹിര്‍, റംസി എന്നിവര്‍ നേതൃത്വം നല്‍കി.