റിയാദ്: മലപ്പുറം മണ്ഡലം കെ.എം.സി.സി കമ്മിറ്റിയുടെ വിന്റര്‍ സീസണ്‍ എക്‌സിക്യൂട്ടീവ് ക്യാമ്പ് ദിറാബ് ഹയാത് ഇസ്തിറാഹയില്‍ സംഘടിപ്പിച്ചു. തെരഞ്ഞെടുത്ത പ്രവര്‍ത്തകരുടെ മുഴുവന്‍ സമയ സാന്നിധ്യം കൊണ്ടു ശ്രദ്ധിക്കപ്പെട്ട ക്യാമ്പില്‍ കോല്‍ക്കളി, ഫുട്‌ബോള്‍, മാപ്പിളപ്പാട്ട്, ക്വിസ് മത്സരം, സ്വിമ്മിങ് മത്സരം, കുട്ടികള്‍ക്കായുള്ള മത്സരങ്ങള്‍ തുടങ്ങി വ്യത്യസ്ത പരിപടികള്‍ അരങ്ങേറി. ചിട്ടയോടെ ക്രമീകരിച്ച ക്യാമ്പ് അംഗങ്ങള്‍ക്ക് ഓര്‍ത്തുവെക്കാവുന്ന സമ്മാനങ്ങള്‍ നല്‍കി രാത്രി മൂന്ന് മണിയോടെ അവസാനിച്ചു.
കെ.എം.സി.സി. റിയാദ് മലപ്പുറം ജില്ലാ കമ്മിറ്റി പ്രസിഡന്റ് ഷൗക്കത്ത് കടമ്പോട്ട് എക്‌സിക്യൂട്ടീവ് ക്യാമ്പ് ഉദ്ഘാടനം ചെയ്തു. മണ്ഡലം പ്രസിഡന്റ് ബഷീര്‍ ഇരുമ്പുഴി അധ്യക്ഷത വഹിച്ചു. സെന്‍ട്രല്‍ കമ്മിറ്റി ഭാരവാഹികളായ പിസി മജീദ്, ഷാഫി മാസ്റ്റര്‍, ജില്ലാ കമ്മിറ്റി അംഗം യൂനുസ് നാണത്ത് തുടങ്ങിയവര്‍ പരിപാടിക്ക് ആശംസകള്‍ അര്‍പ്പിച്ച് സംസാരിച്ചു. മലപ്പുറം മണ്ഡലം ഭാരവാഹികള്‍ ക്യാമ്പിന് നേതൃത്വം നല്‍കി. ജനറല്‍ സെക്രട്ടറി സികെ അബ്ദുറഹ്മാന്‍ സ്വാഗതവും ശറഫുദ്ധീന്‍ കൊടക്കാടന്‍ നന്ദിയും പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group