റിയാദ്- കെ.പി.സി.സി പ്രസിഡന്റിന്റെ നിര്‍ദ്ദേശ പ്രകാരം ഹ്രസ്വ സന്ദര്‍ശനത്തിന് സൗദിയിലെത്തിയ സൗദി ഒ.ഐ.സി.സി ചുമതലയുള്ള കെ.പി.സി.സി ജനറല്‍ സെക്രട്ടറിമാരായ അഡ്വ. പഴകുളം മധു, പി എ സലിം എന്നിവരെ റിയാദ് എയര്‍പോര്‍ട്ടില്‍ സെന്‍ട്രല്‍ കമ്മിറ്റി ഭാരവാഹികള്‍ സ്വീകരിച്ചു.
ഒ.ഐ.സി.സിയുടെ സംഘടന സംവിധാനം ശക്തിപ്പെടുത്തുന്നതിന്റെ ഭാഗമായി സൗദിയിലെ എല്ലാ പ്രവിശ്യകളിലുമുള്ള ഒ.ഐ.സി.സി നേതാക്കളെ നേരിട്ട് കണ്ടു വിവരങ്ങള്‍ ശേഖരിക്കുക എന്നതാണ് ലക്ഷ്യം.
ഒ.ഐ.സി.സി സെന്‍ട്രല്‍ കമ്മിറ്റി പ്രസിഡണ്ട് അബ്ദുല്ല വല്ലാഞ്ചിറയുടെ നേതൃത്വത്തില്‍ ഒ.ഐ.സി.സി മിഡില്‍ ഈസ്റ്റ് കണ്‍വീനര്‍ കുഞ്ഞി കുമ്പള, ഫൈസല്‍ ബാഹസ്സന്‍, സലീം കളക്കര, നൗഫല്‍ പാലക്കാടന്‍, നവാസ് വെള്ളിമാട്കുന്ന്, റഷീദ് കൊളത്തറ, റസാഖ് പൂക്കോട്ടുംപാടം, ഷാജി സോണ, റഹ്മാന്‍ കൊല്ലം, സൈഫ് കായംകുളം, കെ കെ തോമസ് തുടങ്ങിയവര്‍ സന്നിഹിതരായിരുന്നു.