ജിദ്ദ: ജിദ്ദയിലെ കൊണ്ടോട്ടിക്കാരുടെ കൂട്ടായ്മയായ കൊണ്ടോട്ടി സെന്റർ ജിദ്ദ ഇഫ്ത്താർ സംഗമം നടത്തി. കുടുംബബന്ധങ്ങളിലെ ശിഥിലീകരണവും രക്ഷിതാക്കക്കളും കുട്ടികളും തമ്മിലുള്ള അടുപ്പം കുറയുന്നതും ലഹരിപോലെയുള്ള വിപത്തിലേക്ക് കുട്ടികൾ എത്തിപ്പെടാൻ കാരണമാകുന്നുണ്ടെന്നും ഇക്കാര്യം രക്ഷിതാക്കൾ ശ്രദ്ധിക്കണമെന്നും പരിപാടി ഉദ്ഘാടനം ചെയ്ത നജുമുദ്ധീൻ ഹുദവി കൊണ്ടോട്ടി പറഞ്ഞു. സലീംമധുവായി അധ്യക്ഷത വഹിച്ചു.
കബീർ കൊണ്ടോട്ടി,കെ.കെ.മുഹമ്മദ്,സത്താർ കണ്ണൂർ,സീതികൊളക്കാടൻ,ചേനങ്ങാടൻ മുസ്സ,ചെമ്പൻ അബ്ബാസ്,ഹസ്സൻ കൊണ്ടോട്ടി എന്നിവർ സംസാരിച്ചു.കബീർ തുറക്കൽ ഖിറാഅത്ത് നടത്തി. റഹ്‌മത്തലി എരഞ്ഞിക്കൽ സ്വാഗതവും റഫീഖ് മാങ്കായി നന്ദിയും പറഞ്ഞു. ഗഫൂർ ചുണ്ടക്കാടൻ, എ.ടി.ബാവ തങ്ങൾ, ജംഷി കടവണ്ടി,അഷ്റഫ് കൊട്ടേൽസ്, കബീർ നീറാട്, മായിൻ കുട്ടി കുമ്മാളി, റഫീഖ് മധുവായി, പി.സി അബൂബക്കർ, നംഷീർ കൊണ്ടോട്ടി,റഷീദ് ചുള്ളിയൻ, അബ്ദുറഹ്മാൻ നീറാട്, ഇർഷാദ് കളത്തിങ്ങൽ, ഹിദായത്തുള്ള,എ.ടി നസ്റുതങ്ങൾ, എ.ടി റഫീഖലി തങ്ങൾ എന്നിവർ നേതൃത്വം നൽകി.