റിയാദ്- റിയാദ് കണ്ണമംഗലം പഞ്ചായത്ത് കെ.എം.സി.സി നടത്തിയ കണ്ണമംഗലം ഫെസ്റ്റ് ശ്രദ്ധേയമായി. കണ്ണമംഗലം പഞ്ചായത്ത് മുസ്ലിം യൂത്ത് ലീഗ് പ്രസിഡന്റ് നൗഷാദ് ചേറൂര്‍ ഉദ്ഘടനം ചെയ്തു. ഹംസത്തലി മുഖ്യപ്രഭാഷണം നടത്തി. പഞ്ചായത്ത് കെ.എം.സി.സി പ്രസിഡന്റ് പികെ ശുഹൈബ് അധ്യക്ഷത വഹിച്ചു. സെക്രട്ടറി അബ്ദുല്‍ ഖാദര്‍ കോയിസ്സന്‍, സൗദി നാഷണല്‍ കൗണ്‍സിലര്‍ നൗഷാദ് ചാക്കീരി, അമീന്‍ അക്ബര്‍ തൊമ്മങ്ങാടന്‍, അബ്ദുസലാം എകെ, സിദ്ദീഖ് കുണ്ടുപുഴക്കല്‍ എന്നിവര്‍ സംസാരിച്ചു.
കണ്ണമംഗലം പഞ്ചായത്ത് ബോർഡ് പ്രഥമ പ്രസിഡന്റും മുസ്ലിം ലീഗ് നേതാവുമായിരുന്ന ചാക്കീരി അബ്ദുല്‍ ഹഖ് എന്ന കുഞ്ഞൂട്ടി സാഹിബിനെ അനുസ്മരിച്ചു. പഞ്ചായത്ത് കെ.എം.സി.സിയുടെ നിരവധി പ്രവര്‍ത്തകര്‍ പങ്കെടുത്തു. ക്രിക്കറ്റ്, ഫുട്‌ബോള്‍ മത്സരങ്ങളും കുട്ടികള്‍ക്കും കുടുംബങ്ങൾക്കും വേണ്ടി വിവിധ കലാ മത്സരങ്ങളും അരങ്ങേറി. പികെ ലത്തീഫ്, എന്‍ ജഫ്‌സല്‍, ടിപി ഫൈസല്‍, ഷംഷീര്‍, എന്‍പി നവാസ്, പികെ ഷാഫി എന്നിവര്‍ നേതൃതം നല്‍കി.