റിയാദ്: 36 വര്ഷത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന കേളി കലാസാംസ്കാരിക വേദി അല്ഖര്ജ് ഏരിയ സിറ്റി യൂണിറ്റ് അംഗം ടി. അബ്ദുല് മജീദിന് യൂണിറ്റ് കമ്മിറ്റിയുടെ നേതൃത്വത്തില് യാത്രയയപ്പ് നല്കി. കേളി അല്ഖര്ജ് ഏരിയ കമ്മിറ്റി ഓഫീസില് നടന്ന ചടങ്ങില് യൂണിറ്റ് പ്രസിഡന്റ് ജ്യോതിലാല് അധ്യക്ഷത വഹിച്ചു. ഏരിയ സെക്രട്ടറി ഷബി അബ്ദുല് സലാം, ജോയിന്റ് സെക്രട്ടറി റഷീദലി, ഏരിയ രക്ഷാധികാരി സമിതി അംഗം നാസര് പൊന്നാനി എന്നിവര് ആശംസകള് നേര്ന്നു. മലപ്പുറം മൂന്നിയൂര് കളിയാട്ടമുക്ക് സ്വദേശിയായ അബ്ദുല് മജീദ് കഴിഞ്ഞ 36 വര്ഷമായി റിയാദിലെ പച്ചക്കറി മാര്ക്കറ്റില് ജോലി ചെയ്തു വരികയായിരുന്നു. യൂണിറ്റിന്റെ ഉപഹാരം യൂണിറ്റ് പ്രസിഡന്റ് ജ്യോതിലാലും സെക്രട്ടറി കലാമും ചേര്ന്ന് അബ്ദുല് മജീദിന് സമ്മാനിച്ചു. യൂണിറ്റ് സെക്രട്ടറി കലാം സ്വാഗതം പറഞ്ഞ ചടങ്ങില് അബ്ദുല് മജീദ് നന്ദി പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group