റിയാദ്- റിയാദ് കെ.എം.സി.സിയുടെ സജീവ പ്രവര്‍ത്തകനായിരുന്ന പയ്യന്നൂര്‍ വെള്ളൂര്‍ സ്വദേശി മൂപ്പന്റകത്ത് അബ്ദുല്‍ അസീസ് (68) റിയാദില്‍ നിര്യാതനായി. 40 വര്‍ഷത്തോളം റിയാദിലായിരുന്ന അബ്ദുൽ അസീസ് ഏതാനും വര്‍ഷം മുമ്പ് ഫൈനല്‍ എക്‌സിറ്റില്‍ പോയതായിരുന്നു.
റിയാദിലുള്ള മക്കളുടെ അടുത്തേക്ക് സന്ദര്‍ശക വിസയിലെത്തിയ ഇദ്ദേഹത്തിന് ദേഹാസ്വാസ്ഥ്യമുണ്ടായതിനെ തുടര്‍ന്ന് ഉബൈദ് ആശുപത്രിയില്‍ ചികിത്സയിലായിരുന്നു. മയ്യിത്ത് റിയാദില്‍ ഖബറടക്കാന്‍ കെ.എം.സി.സി നേതാവ് വി.കെ മുഹമ്മദിന്റെ നേതൃത്വത്തില്‍ നടപടികള്‍ പുരോഗമിക്കുന്നു. ഭാര്യ: താഹിറ ബി.പി. മക്കള്‍: അഫ്‌സല്‍ (റിയാദ്), തസ്‌ലീന (റിയാദ്), ഫാത്തിമ. മരുമകന്‍ ഹാശിര്‍ (റിയാദ്).
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group