ജിദ്ദയിൽ നിര്യാതനായ കടലുണ്ടി സ്വദേശിയുടെ മയ്യിത്ത് മറവു ചെയ്തു

ജിദ്ദ : ജിദ്ദ വസീരിയയിൽ ഹൃദയാഘാതം മൂലം നിര്യാതനായ കടലുണ്ടി നഗരം ആനങ്ങാടി സ്വദേശി കിഴക്കന്റെ പുരക്കൽ ഹമീദിന്റെ (56) മയ്യിത്ത് ജിദ്ദയിലെ റുവൈസ് ഖബർസ്ഥാനിൽ മറവ് ചെയ്തു. 25 വർഷമായി ജിദ്ദയിലെ ഒരു സ്വകാര്യ സ്ഥാപനത്തിൽ ജോലി ചെയ്തു വരികയായിരുന്ന അദ്ദേഹം ഒരാഴ്ച മുമ്പാണ് അവധി കഴിഞ്ഞ് നാട്ടിൽ നിന്നും തിരിച്ചെത്തിയത്. പിതാവ് പരേതനായ ഇസുട്ടി. മാതാവ് ആമിനക്കുട്ടി. ഭാര്യ താഹിറ. മക്കൾ:-ഹിജാഷ് അഹ്മദ്, സഹ്ല ജാസ്മിൻ, സൻജീദ് റാസി. മരുമക്കൾ– ഹാരിസ് താനൂർ, ഷിഫ്ന ഷെറിൻ.

നടപടിക്രമങ്ങൾക്ക് ജിദ്ദ ഐ.സി.എഫ് സർവീസ് ആന്റ് വെൽഫെയർ സെക്രട്ടറി അബൂ മിസ്ബാഹ് ഐക്കരപ്പടി, വെൽഫെയർ സമിതി അംഗങ്ങളായ മുഹ്‌യുദ്ദീൻ അഹ്‌സനി, ഹനീഫ കാസർക്കോട്, അബ്ദുൽ ഗഫൂർ മുസ്‌ലിയാർ പെരുവള്ളൂർ, ഖാസിം സഖാഫി കുടക്, ചെവിടിക്കുന്നൻ കോയാമു ഹാജി ഒതുക്കുങ്ങൽ, ആദിൽ ഒതുക്കുങ്ങൽ തുടങ്ങിയവർ നേതൃത്വം നൽകി.