റിയാദ് – റിയാദ് പ്രവിശ്യയില്‍ പെട്ട സുല്‍ഫിയില്‍ മഴയില്‍ രൂപപ്പെട്ട വിശാലമായ തടാകത്തില്‍ യുവാക്കളുടെ ജെറ്റ്‌സ്‌കീ (വാട്ടര്‍ ബൈക്ക്) അഭ്യാസപ്രകടനം. അതിമനോഹരമായ കാലാവസ്ഥ ആസ്വദിക്കാന്‍ നിരവധി പേര്‍ കാറുകളുമായി തടാകത്തിനു സമീപം എത്തി. ഇതിനിടെയാണ് യുവാക്കള്‍ ആവേശം വിതറി വാട്ടര്‍ ബൈക്ക് പ്രകടനം നടത്തിയത്.
തടാകക്കരയില്‍ നിലയുറപ്പിച്ചവര്‍ക്കു നേരെ വെള്ളം തെറിപ്പിച്ച് യുവാക്കള്‍ ഉല്ലസിച്ചു. വാട്ടര്‍ ബൈക്കുകളില്‍ ഒന്നില്‍ ബന്ധിച്ച റബ്ബര്‍ ട്യൂബില്‍ ഇരുന്ന് യുവാക്കളില്‍ ഒരാള്‍ തടാകത്തിലൂടെ സഞ്ചരിക്കുകയും ചെയ്തു. ഇതിന്റെയെല്ലാം ദൃശ്യങ്ങള്‍ അടങ്ങിയ വീഡിയോ ഡ്രോണ്‍ ഉപയോഗിച്ച് ചിത്രീകരിച്ച് യുവാക്കളില്‍ ഒരാള്‍് ട്വിറ്ററിലൂടെ പുറത്തുവിട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group