ജിദ്ദ ഇന്ത്യൻ കോൺസുലേറ്റിന്റെ യാമ്പു, അൽ ബഹ സന്ദർശനങ്ങൾ ഈ മാസം

ജിദ്ദ- ജിദ്ദ കോൺസുലേറ്റിന്റെ കോൺസുലാർ സന്ദർശനങ്ങൾ ഈ മാസം 19ന് യാമ്പുവിലും 26ന് അൽബാഹയിലും നടക്കും. യാമ്പു വാണിജ്യ തുറമുഖത്തിന് സമീപത്തുള്ള കിംഗ് അബ്ദുൽ അസീസ് റോഡിലെ ഹയാത്ത് റൗദ ഹോട്ടലിലാണ് 19നുള്ള കോൺസുലാർ വിസിറ്റ്.

26ന് റഗ്ദാനിലെ കിംഗ് അബ്ദുൽ അസീസ് റോഡിലെ അൽ ഫലാഹ് ഹോട്ടലിലാണ് അൽ ബാഹയിലെ കോൺസുലാർ വിസിറ്റ്.

കോൺസുലാർ സേവനങ്ങൾ ആഗ്രഹിക്കുന്നവർ ഈ ലിങ്കിൽ (https://services.vfsglobal.com/sau/en/ind/book-an-appointment) പ്രവേശിച്ച് മുൻകൂട്ടി ബുക്ക് ചെയ്യണം. വിസിറ്റിന്റെ ഒരാഴ്ച മുമ്പ് രജിസ്ട്രേഷൻ ആരംഭിക്കും. ആദ്യം ബുക്ക് ചെയ്യുന്നവർക്ക് ആദ്യം എന്ന അടിസ്ഥാനത്തിലായിരിക്കും പ്രവേശനം. ബുക്ക് ചെയ്യാത്തവർക്ക് പ്രവേശനം അനുവദിക്കില്ലെന്നും കോൺസുലേറ്റ് വ്യക്തമാക്കി.