ജിദ്ദ – വിദേശ രാജ്യങ്ങളില്‍ നിന്നെത്തുന്ന ഹജ് തീര്‍ഥാടകര്‍ക്ക് നല്‍കുന്ന സേവനങ്ങള്‍ നേരിട്ട് വിലയിരുത്താന്‍ കിംഗ് അബ്ദുല്‍ അസീസ് ഇന്റര്‍നാഷണല്‍ എയര്‍പോര്‍ട്ടിലെ ഹജ് ടെര്‍മിനലില്‍ സൗദി ജവാസാത്ത് മേധാവി ജനറല്‍ സുലൈമാന്‍ അല്‍യഹ്‌യ സന്ദര്‍ശനം നടത്തി.
ഹജ് ടെര്‍മിനലിലെ മീഡിയ സെന്ററും ജവാസാത്ത് മേധാവി സന്ദര്‍ശിച്ചു. ചുമതലകള്‍ കൃത്യതയോടെയും ഭംഗിയായും നിര്‍വഹിക്കാന്‍ ജവാസാത്ത് ഉദ്യോഗസ്ഥരോട് ജനറല്‍ സുലൈമാന്‍ അല്‍യഹ്‌യ ആവശ്യപ്പെട്ടു. ഹാജിമാരുടെ നടപടിക്രമങ്ങള്‍ വേഗത്തില്‍ പൂര്‍ത്തിയാക്കാനും സേവനങ്ങള്‍ നല്‍കാനും നടത്തുന്ന പരിശ്രമങ്ങള്‍ക്ക് ജവാസാത്ത് ഉദ്യോഗസ്ഥര്‍ക്ക് ജനറല്‍ സുലൈമാന്‍ അല്‍യഹ്‌യ നന്ദി പറഞ്ഞു.
ക്യാപ്.
കിംഗ് അബ്ദുല്‍ അസീസ് ഇന്റര്‍നാഷണല്‍ എയര്‍പോര്‍ട്ടിലെ ഹജ് ടെര്‍മിനല്‍ സൗദി ജവാസാത്ത് മേധാവി ജനറല്‍ സുലൈമാന്‍ അല്‍യഹ്‌യ സന്ദര്‍ശിക്കുന്നു. വലത്ത്: ഹാജിമാരില്‍ ഒരാളെ പൂച്ചെണ്ട് നല്‍കി ജവാസാത്ത് മേധാവി സ്വീകരിക്കുന്നു.