മക്ക – വിശുദ്ധ നഗരത്തില്‍ ഇന്നലെ വൈകീട്ട് ആഞ്ഞുവീശിയ ശക്തമായ കാറ്റില്‍ കൂറ്റന്‍ മരം കടപുഴകി കാറിനു മുകളില്‍ പതിച്ച് കാര്‍ ഡ്രൈവറായ സൗദി പൗരന്‍ മരണപ്പെട്ടു. അല്‍സാഹിര്‍ ഡിസ്ട്രിക്ടിലാണ് അപകടം. കനത്ത മഴക്കൊപ്പമുണ്ടായ കൊടുങ്കാറ്റിനിടെ അപകട സാധ്യത ഒഴിവാക്കാന്‍ വേണ്ടി കാര്‍ നിര്‍ത്താന്‍ ശ്രമിക്കുന്നതിനിടെയാണ് സൗദി പൗരന്റെ കാറിനു മുകളിലേക്ക് കൂറ്റന്‍ മരം കടപുഴകി വീണതെന്ന് ദൃക്‌സാക്ഷികള്‍ പറഞ്ഞു. സിവില്‍ ഡിഫന്‍സ് സംഘം മരം വെട്ടിനീക്കി കാറിനകത്ത് കുടുങ്ങിയ ഡ്രൈവറെ പുറത്തെടുത്തെങ്കിലും അപ്പോഴേക്കും മരണം സംഭവിച്ചിരുന്നു. ഇന്നലെ വൈകീട്ട് മക്കയില്‍ ഭൂരിഭാഗം ഡിസ്ട്രിക്ടുകളിലും മഴ പെയ്തിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group