അബഹ – മഹായില്‍, അബഹ റോഡിലുണ്ടായ വാഹനാപകടത്തില്‍ നാലു പേര്‍ മരിച്ചു. രണ്ടു പേർക്ക് പരിക്കേറ്റു. ശആര്‍ ചുരം റോഡില്‍ ആറംഗ കുടുംബം സഞ്ചരിച്ച കാര്‍ മിനി ലോറിയുമായും മറ്റൊരു കാറുമായും കൂട്ടിയിടിക്കുകയായിരുന്നു. ആദ്യ കാറിലെ യാത്രക്കാരായ പിതാവും മൂന്നു പെണ്‍മക്കളുമാണ് അപകടത്തില്‍ മരണപ്പെട്ടത്.
ഭാര്യക്കും മകനും പരിക്കേറ്റു. ഭാര്യയുടെ പരിക്ക് ഗുരുതരമാണ്. സിവില്‍ ഡിഫന്‍സും റെഡ് ക്രസന്റും ട്രാഫിക് പോലീസും രക്ഷാപ്രവര്‍ത്തനം നടത്തി പരിക്കേറ്റവരെ മഹായില്‍ ജനറല്‍ ആശുപത്രിയില്‍ പ്രവേശിപ്പിച്ചു. മൃതദേഹങ്ങള്‍ ഇതേ ആശുപത്രി മോര്‍ച്ചറിയിലേക്ക് നീക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group