മിനാ – മിനായിലെ ജംറയില്‍ അമിതാവേശത്തോടെ കല്ലുകള്‍ ആഞ്ഞെറിഞ്ഞ് വിദേശ തീര്‍ഥാടകന്‍. ശരീരം വട്ടംചുറ്റി തീര്‍ഥാടകന്‍ കല്ലുകള്‍ ആഞ്ഞെറിയുന്നതിന്റെ ദൃശ്യങ്ങള്‍ അടങ്ങിയ വീഡിയോ മറ്റൊരു തീര്‍ഥാടകന്‍ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു.
കല്ലേറ് കര്‍മം പൂര്‍ത്തിയാക്കിയ ശേഷം ചിരിച്ചുകൊണ്ട് കൈകള്‍ കൊണ്ട് തന്റെ കഴുത്തിനു നേരെ പ്രത്യേക ആംഗ്യം കാണിച്ച് പിശാചിനെ താന്‍ ഇല്ലാതാക്കിയതായി (കശാപ്പ് ചെയ്തതായി) തീര്‍ഥാടകന്‍ സൂചിപ്പിച്ചു. ഈ വീഡിയോ സാമൂഹികമാധ്യമ ഉപയോക്താക്കള്‍ക്കിടയില്‍ സമ്മിശ്ര പ്രതികരണങ്ങളുണ്ടാക്കി. ഹജ് കര്‍മത്തിനിടെ അസാധാരണമായ പെരുമാറ്റമാണിതെന്ന് ചിലര്‍ വിശേഷിപ്പിച്ചു. എന്നാല്‍ ആവേശം മൂത്താണ് തീര്‍ഥാടകന്‍ ഇങ്ങിനെ ചെയ്തതെന്ന് മറ്റു ചിലര്‍ അഭിപ്രായപ്പെട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group