ജിസാൻ– സൗദി, യെമൻ അതിർത്തിയിലെ അൽവദീഅ അതിർത്തി പോസ്റ്റ് വഴി വ്യാജ പാസ്പോർട്ടിൽ സൗദിയിൽ പ്രവേശിക്കാൻ ശ്രമിച്ച യമനി യുവാവിനെ ജവാസാത്ത് ഡയറക്ടറേറ്റ് പിടികൂടി. നിയമ ലംഘനത്തിന് സൗദിയിൽ നിന്ന് നാടുകടത്തി പ്രവേശന വിലക്കേർപ്പെടുത്തിയ യുവാവ് വ്യാജ പാസ്പോർട്ട് സംഘടിപ്പിച്ച് വീണ്ടും രാജ്യത്ത് പ്രവേശിക്കാൻ ശ്രമിക്കുകയായിരുന്നു. അൽവദീഅ അതിർത്തി പോസ്റ്റിൽ വെച്ച് നടത്തിയ വിരലടയാള പരിശോധനയിലാണ് തട്ടിപ്പ് വെളിച്ചത്തായത്. ഇയാൾക്കെതിരെ നിയമാനുസൃത നടപടികൾ സ്വീകരിച്ചതായി ജവാസാത്ത് ഡയറക്ടറേറ്റ് അറിയിച്ചു.
വ്യാജ പാസ്പോർട്ടിൽ സൗദിയിലേക്ക് കടക്കാൻ ശ്രമം; യമനി യുവാവ് പിടിയിൽ
പിടിയിലായ യമനി യുവാവ്