അബഹ – നഗരത്തിലെ വീട്ടില്‍ പാചക വാതക ചോര്‍ച്ചയെ തുടര്‍ന്ന് സ്‌ഫോടനവും അഗ്നിബാധയുമുണ്ടായി ഒരാള്‍ക്ക് പരിക്കേറ്റു. അടുക്കളയായി ഉപയോഗിക്കാന്‍ വീടിനോട് ചേര്‍ന്ന് പുറത്തുണ്ടാക്കിയ മുറിയിലാണ് സ്‌ഫോടനവും അഗ്നിബാധയുമുണ്ടായത്. ഉഗ്ര സ്‌ഫോടനത്തില്‍ അടുക്കള തകര്‍ന്നു. സിവില്‍ ഡിഫന്‍സ് അധികൃതര്‍ തീയണച്ച് രക്ഷാപ്രവര്‍ത്തനം നടത്തി.
ഗ്യാസിന്റെ ഗന്ധം അനുഭവപ്പെടുമ്പോള്‍ വൈദ്യുതി സ്വിച്ചുകള്‍ ഉപയോഗിക്കരുതെന്നും ഗ്യാസ് സിലിണ്ടറിന്റെ വാല്‍വ് നന്നായി പൂട്ടണമെന്നും സ്ഥലത്തുള്ളവരെല്ലാം പുറത്തിറങ്ങണമെന്നും സ്ഥലത്ത് വായുസഞ്ചാരം ലഭിക്കാന്‍ ജനലുകളും വാതിലുകളും സാവകാശം തുറന്നിടണമെന്നും ഗ്യാസ് ചോര്‍ച്ച കണ്ടെത്തുന്ന ഉപകരണം സ്ഥാപിക്കണമെന്നും സിവില്‍ ഡിഫന്‍സ് ആവശ്യപ്പെട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group