ജിദ്ദയിൽ ഒ.ഐ.സി.സി മലപ്പുറം ജില്ലാ കമ്മറ്റി തിരഞ്ഞെടുപ്പ് കൊട്ടിക്കലാശം പരിപാടി സംഘടിപ്പിച്ചു. നാട്ടിലെ ആഘോഷ പരിപാടികളെ അന്വർത്ഥമാക്കും വിധം വ്യത്യസ്തമാർന്ന ശ്രദ്ധേയമായ രീതിയിലായിരുന്നു സംഘാടകർ പരിപാടി അണിയിച്ചൊരുക്കിയത്. UDF ഘടക കക്ഷികളുടെ പതാകകളേന്തി, ആവേശോജ്ജ്വലമായ മുദ്രാവാക്യങ്ങൾ ഉയർത്തി കടന്നു വന്ന പ്രകടനം സദസ്സിനെ അക്ഷരാർത്ഥത്തിൽ ഇളക്കി മറിച്ചു. സമ്മേളന ഹാളിലേക്ക് എത്തിയ മുഴുവൻ ആളുകളും പ്രകടനത്തിൽ പങ്കെടുത്തു.
രാഷ്ട്രീയ ഗാനങ്ങളും പാർട്ടി ഗാനങ്ങളും മാപ്പിള പാട്ട് സിനിമ ഗാനങ്ങളും കോർത്തിണക്കി ഒ.ഐ.സി.സി ഗായകർ നയിച്ച സംഗീത വിരുന്ന് ഏറെ ആവേശം വിതറി. പാലക്കാട് ചീറ്റിപ്പോയ പെട്ടി വിവാദത്തെ ട്രോളി രഞ്ജിത് ചെങ്ങന്നൂരിന്റെ നേതൃത്വത്തിൽ നടത്തിയ നിരാശ പ്രതിഷേധ പ്രകടനം സദസ്സിൽ ചിരി പടർത്തി.
ഒ.ഐ.സി.സി സ്ഥാപക അംഗം അബ്ബാസ് ചെമ്പൻ ആഘോഷ പരിപാടികൾ ഉദ്ഘാടനം ചെയ്തു. ഒഐസിസി ജിദ്ദ റീജിയണൽ കമ്മറ്റി പ്രസിഡന്റ് ഹക്കീം പാറക്കൽ മുഖ്യപ്രഭാഷണം നടത്തി.
ആക്ടിംഗ് പ്രസിഡണ്ട് അസീസ് ലാക്കലിന്റെ അധ്യക്ഷതയിൽ നടന്ന പരിപാടിയിൽ റീജിയണൽ കമ്മിറ്റി വൈസ് പ്രസിഡന്റ് രാധാകൃഷ്ണൻ കാവുമ്പായി, ജനറൽ സെക്രട്ടറി അസ്ഹാബ് വർക്കല, ആസാദ് പോരൂര്, ട്രഷറർ ശരീഫ് അറക്കൽ, മുജീബ് തൃത്താല, നാഷണൽ കമ്മിറ്റി പ്രതിനിധി അഷ്‌റഫ്‌ അഞ്ചാലൻ, തുടങ്ങി മലപ്പുറം ജില്ലാ കമ്മിറ്റി ഭാരവാഹികൾ, ഒ.ഐ.സി.സിയുടെ ഗ്ലോബൽ, റീജിയണൽ, നാഷണൽ, ജില്ലാ തല നേതാക്കൾ, കെ.എം.സി.സി സെൻട്രൽ കമ്മിറ്റി, മലപ്പുറം ജില്ലാ കമ്മിറ്റി നേതാക്കൾ എന്നിവർ സംസാരിച്ചു.
വയനാടും പാലക്കാടും ചേലക്കരയും, വളരെ മികച്ച ഭൂരിപക്ഷത്തിൽ UDF വിജയിക്കുമെന്ന് യോഗത്തിൽ സംസാരിച്ചവർ അഭിപ്രായപ്പെട്ടു. ജനദ്രോഹ നയങ്ങൾ കൊണ്ട് ബുദ്ധിമുട്ടിക്കുന്ന സംസ്ഥാന സർക്കാറിനെതിരെയും കേന്ദ്രസർക്കാരിനെതിരെയുമുള്ള ശക്തമായ വിധിയെഴുത്ത് ആയിരിക്കും തിരഞ്ഞെടുപ്പ് ഫലം എന്ന് യോഗം വിലയിരുത്തി. ഗ്ലോബൽ അംഗം സിഎം അഹമ്മദ് പരിപാടികൾ നിയന്ത്രിച്ചു. ജനറൽ സെക്രട്ടറി ഇസ്മയിൽ കൂരിപ്പൊയിൽ സ്വാഗതവും ട്രഷറർ ഫൈസൽ മക്കരപ്പറമ്പ് നന്ദിയും പറഞ്ഞു .