മയക്കുമരുന്ന് കടത്ത്: സൗദിയിൽ നാലു പാക്കിസ്താനികളുടെ വധശിക്ഷ നടപ്പാക്കി

ജിദ്ദ– സൗദിയിലേക്ക് മയക്കുമരുന്ന് കടത്തിയ കേസിലെ പ്രതികളായ നാലു പാക്കിസ്താൻ സ്വദേശികളുടെ വധശിക്ഷ ഇന്ന് നടപ്പാക്കിയതായി ആഭ്യന്തര മന്ത്രാലയം അറിയിച്ചു. രണ്ടു പാക്കിസ്താനികൾ മക്ക പ്രവിശ്യയിലും രണ്ടു പേർക്ക് റിയാദിലുമാണ് ശിക്ഷ നടപ്പാക്കിയത്.

ഹെറോയിൻ കടത്തുന്നതിനിടെ അറസ്റ്റിലായ മുഹമ്മദ് വഹീദ് നൂസിറോൻ, മുഹമ്മദ് ഇസ്ഹാഖ് അമീർ സാമാൻ എന്നിവർക്ക് റിയാദിലും ഹെറോയിനും രാസലഹരിയും സൗദിയിലേക്ക് കടത്തിയ അമാനതുല്ല ഷേർവാൻ, ദുൽഫഖാർ മുഹമ്മദ് യൂസുഫ് എന്നിവർക്ക് മക്ക പ്രവിശ്യയിലുമാണ് വധശിക്ഷ നടപ്പാക്കിയത്.