ജിദ്ദ – ഞായറാഴ്ച രാവിലെ ഇറാഖി വ്യോമാതിര്ത്തിയില് നിന്ന് സൗദി വ്യോമാതിര്ത്തിയിലേക്ക് പ്രവേശിച്ച മൂന്ന് ഡ്രോണുകള് തടഞ്ഞ് തകര്ത്തതായി സൗദി പ്രതിരോധ മന്ത്രാലയ വക്താവ് മേജര് ജനറല് തുര്ക്കി അല്മാലികി അറിയിച്ചു. സൗദി അറേബ്യക്ക് ഉചിതമായ സമയത്തും സ്ഥലത്തും പ്രതികരിക്കാനുള്ള അവകാശമുണ്ടെന്ന് മേജര് ജനറല് തുര്ക്കി അല്മാലികി പ്രസ്താവനയില് വ്യക്തമാക്കി. രാജ്യത്തിന്റെ പരമാധികാരം, സുരക്ഷ, പൗരന്മാരുടെയും പ്രവാസികളുടെയും സുരക്ഷ എന്നിവ ലംഘിക്കാനുള്ള ഏതൊരു ശ്രമത്തിനും തിരിച്ചടി നല്കാന് ആവശ്യമായ എല്ലാ നടപടികളും സ്വീകരിക്കുമെന്നും നടപ്പിലാക്കുമെന്നും പ്രതിരോധ മന്ത്രാലയ വക്താവ് പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group