ദമാം- മലയാളീ ഡോക്ടർമാരുടെ കൂട്ടായ്മ സംയുക്തമായി ഡോക്ടേഴ്സ് ഡേ ആഘോഷിച്ചു. മലയാളി ഡോക്ടേഴ്സ് അസോസിയേഷൻ, ഐ.എം.എ , വിമാ എന്നീ സംഘടനകളുടെ നേതൃത്വത്തിലാണ് സംയുക്തമായ ഡോക്ടേഴ്സ് ഡേ ആഘോഷിച്ചത്. പുതുതായി സ്ഥാനമേറ്റെടുത്ത പ്രസിഡന്റ് ഡോ . ഉസ്മാൻ മലയിലിന്റെ അധ്യക്ഷതയിൽ നടന്ന ആഘോഷ പരിപാടികൾ ഡോക്ടർമാരുടെയും കുടുംബങ്ങളുടെയും സാന്നിധ്യം കൊണ്ട് ശ്രദ്ധേയമായി.
കിഴക്കൻ പ്രവിശ്യയിലെ മുതിർന്ന ഡോക്ടർമാരായ ഡോ. അക്ബർ കല്ലിങ്ങൽ ( ബദ്ർ അൽ റാബി) , ഡോ. അഭിജിത് വര്ഗീസ് (അൽറൗദ ഹോസ്പിറ്റൽ) ഡോ. നിഷ സുനിൽ ( സഫ ) ഡോ . സോണി സുധീർ ( സഫ ) എന്നിവരെ ഡോ. ഉസ്മാൻ മലയിൽ, ഡോ. ആഷിഖ് കളത്തിൽ, ഡോ. ബിജു വർഗീസ്, ഡോ . പ്രിൻസ് മാത്യു, ഡോ. യാസ്മിൻ, ഡോ. പ്രീതി, ഡോ. ഡോണ, ഡോ . ഷാന്റി എന്നിവർ ചേർന്ന്
പൊന്നാടയും മെമെന്റോയും നൽകി ആദരിച്ചു. ഡോ . പ്രിൻസ് മാത്യു , ഡോ. ആഷിഖ് കളത്തിൽ , ഡോ . യാസ്മിൻ എന്നിവർ ആശംസകൾ അർപ്പിച്ചു. റൈറ്റ് ഇവന്റ്സ് ഒരുക്കിയ സംഗീത നൃത്ത സന്ധ്യ ഏവരുടെയും പ്രശംസ പിടിച്ചു പറ്റി.
മലയാളി ഡോക്ടേഴ്സ് അസോസിയേഷൻ സെക്രട്ടറി ഡോ. ഇസ്മായിൽ രൈറോത്ത് സ്വാഗതവും ട്രഷറർ
ഡോ. റാമിയ രാജേന്ദ്രൻ നന്ദിയും പറഞ്ഞു. ഡോ . റാമിയ ഡോ . അജി എന്നിവർ അവതാരകരായിരുന്നു