സൗദിയിൽ മലയാളി ദമ്പതികളുടെ മകൾ മരണപ്പെട്ടു

റിയാദ്: സൗദി അറേബ്യയിലെ അൽ ഖസീമിലെ അൽ റാസിനടുത്തുള്ള ഖുശൈബിയ്യയിൽ മലയാളി ദമ്പതികളുടെ രണ്ട് വയസുകാരിയായ മകൾ മരണപ്പെട്ടു. കൊല്ലം പത്തനാപുരം സ്വദേശി താരിഖ്-ഇടുക്കി വണ്ടിപ്പെരിയാർ സ്വദേശിനി മുംതാസ് ദമ്പതികളുടെ മകൾ ഐറയാണ് മരണപ്പെട്ടത്.

കുട്ടിയുടെ മാതാവ് മുംതാസ് ഖുശൈബിയ്യയിലെ ഒരു ആശുപത്രിയിൽ നഴ്സായി ജോലി ചെയ്യുന്നു. കുട്ടിയുടെ മയ്യിത്ത് നാട്ടിലേക്ക് കൊണ്ടുപോകാനുള്ള നടപടികൾ പുരോഗമിക്കുകയാണ്. പ്രവർത്തനങ്ങൾ ഉനൈസ കെ.എം.സി.സി. സെൻട്രൽ കമ്മിറ്റിയുടെ നേതൃത്വത്തിൽ നടന്നുവരുന്നു.