ദമാം- ഒ.ഐ.സി.സി പാലക്കാട് ജില്ലാ കമ്മറ്റി ഹോട്ടൽ റോസ് ഗാർഡനിൽ സംഘടിപ്പിച്ച ഒരുമയുടെ പൊന്നോണം ജനപങ്കാളിത്തം കൊണ്ടും, സംഘാടന മികവ് കൊണ്ടും ശ്രദ്ധേയമായി. ദമാം റീജ്യണിലെ ഒ. ഐ.സി.സി കുടുംബാംഗങ്ങൾക്ക് വിഭവസമൃദ്ധമായ ഓണസദ്യ വിളമ്പി വിരുന്നൂട്ടിയ സന്തോഷത്തിലും നിറഞ്ഞ ചാരിതാർത്ഥ്യത്തിലുമാണ് പ്രവർത്തകരും സംഘാടകരും. ദമാമിലെ കലാപ്രതിഭകളവതരിപ്പിച്ച തിരുവാതിര ഉൾപ്പെടെയുള്ള നൃത്തനൃത്യങ്ങളും, ഗാന വിരുന്നും ഏറെ ശ്രദ്ധേയമായി. രമേശ് പാലക്കാട്, അരവിന്ദാക്ഷൻ, നാരായണൻകുട്ടി,ഹരിദാസൻ,പ്രമോദ് ,സുരേഷ്,മുജീബ്,സവാദ്,ശ്യാം പ്രകാശ്,ശാഹിദ്,ഷമീർ ,ഹക്കീം ,ഷമീർ പനങ്ങാടൻ ,സന്തോഷ്,രാധിക തുടങ്ങിയവർ പരിപാടികൾക്ക് നേതൃത്വം നൽകി.
ഓണാഘോഷത്തിന്റെ ഭാഗമായി നടത്തിയ സാംസ്ക്കാരികസമ്മേളനത്തിൽ പ്രസിഡന്റ് ശ്യാം പ്രകാശ് അധ്യക്ഷത വഹിച്ചു, ദമാം റീജിണൽ പ്രസിഡന്റ് ഇക്കെ സലീം ഉദ്ഘാടനം ചെയ്തു. സൗദി നാഷണൽ പ്രസിഡന്റ് ബിജുകല്ലുമല മുഖ്യപ്രഭാഷണം നടത്തി. ഗ്ലോബൽ മുൻവൈസ് പ്രസിഡന്റ് ഹമീദ് പുളിക്കൽ,റീജിണൽ സെക്രട്ടറി ഷിഹാബ് കായംകുളം, റീജിണൽ വൈസ് പ്രസിഡന്റ് ഷിജില ഹമീദ്, രമേഷ് പാലക്കാട്, പ്രമോദ് പുപ്പല്, റീജിണൽ സെക്രട്ടറി സി.ടി ശശി, അരവിന്ദാക്ഷൻ,രാധിക,,ശാഹിദ്, സന്തോഷ്, ജനറൽ സെക്രട്ടറി ഹക്കീം,ട്രഷറർ ഷമീർ പനങ്ങാടൻ എന്നിവർ പ്രസംഗിച്ചു.