റിയാദ്- മുൻ റിയാദ് പ്രവാസിയും റിയാദിലെ അറിയപ്പെടുന്ന ഗായകനും അഭിനേതാവും ഷോർട് ഫിലിം സംവിധായകനും ആയിരുന്ന സക്കീർ മണ്ണാർമലയുടെ ആദ്യ ചിത്രം ‘തെളിവ് സഹിതം’ റിലീസിന് തയ്യാറായി. ദമാമിലെ പ്രമുഖ വ്യവസായി ജോളി ലോനപ്പന്റെ ജോളി വുഡ് മൂവിസിന്റെ ബാനറിലാണ് സിനിമ നിർമ്മിച്ചിരിക്കുന്നത്. ജോളിവൂഡ് മൂവീസിന്റെ മൂന്നാമത്തെ ചിത്രമാണ് തെളിവ് സഹിതം. ആദ്യ ചിത്രം ആളൊരുക്കം നിരവധി അന്താരാഷ്ട്ര ബഹുമതികൾ അടക്കം നേടി ശ്രദ്ധേയമായിരുന്നു.
കുടുംബപശ്ചാത്തലത്തിലൂടെ കഥ പറഞ്ഞു പോവുന്ന തെളിവ് സഹിതം എന്ന ക്രൈം ത്രില്ലർ മൂവിയുടെ പ്രി വ്യൂ ഷോ റിയാദിലെ എമ്പയർ സിനിമ മാളിൽ റിയാദിലെ സാമൂഹിക – കലാ സാംസ്കാരിക രംഗത്തെ പ്രമുഖരുടെ സാന്നിധ്യത്തിൽ നടന്നു. സമകാലിക വിഷയങ്ങൾ പ്രത്യകിച്ചും യുവതി യുവാക്കളിൽ പടർന്നു പന്തലിക്കുന്ന ലഹരിയുടെ ഉപയോഗം അതിന്റെ വിപത്തുകൾ എല്ലാം വളരെ വ്യക്തമായി ഈ ചിത്രത്തിലൂടെ വരച്ചു കാണിക്കുന്നുണ്ട്
പുതു തലമുറയ്ക്കും മാതാ പിതാക്കൾക്കും ലഹരിക്കെതിരായ മികച്ച സന്ദേശമാണ് ചിത്രത്തിലൂടെ നൽകുന്നതെന്നു സംവിധായകൻ സക്കിർ മണ്ണാർമല പ്രിവ്യൂ ഷോക്കു ശേഷം പറഞ്ഞു. സൗദി അറേബ്യയിലെ ഒരുപറ്റം കലാകാരന്മാർ ഈ സിനിമക്ക് പിന്നിൽ പ്രവർത്തിച്ചിട്ടുണ്ടെന്നും അതുകൊണ്ട്
കേരളത്തിൽ റിലീസ് ചെയ്യുന്നതോടൊപ്പം തെളിവ് സഹിതം എന്ന ഈ സിനിമ ഗൾഫ് നാടുകളിലും റിലീസിംഗ് ഉണ്ടാവുമെന്നുo നിർമാതാവ് ജോളി ലോനപ്പൻ ദമാം പറഞ്ഞു. നിഷാന്ത് സാഗർ, അബു സലീം,
മേജർ രവി,രാജേഷ് ശർമ,നിർമൽ പാലാഴി,പ്രദീപ് ബാലൻ,സിറാജ് പയ്യോളി,രമേശ്‌ കാപ്പാട്,ബിച്ചാൽ മുഹമ്മദ്‌,ഷൌക്കത്ത് അലി,ഗ്രീഷ്മ ജോയ്, മാളവിക അനിൽ കുമാർ,നിദ (ചക്കി),ഗോപിക
പ്രാഭിജ കോഴിക്കോട് തുടങ്ങിയവരാണ് അഭിനേതാക്കൾ.