ജിദ്ദ- സൗദി സന്ദര്ശനത്തിനെത്തിയ പ്രശസ്ത ഗായകനും തബലിസ്റ്റുമായ ഫിറോസ് ബാബുവിന് പി എസ് എം ഓ കോളെജ് അലുംനി ജിദ്ദ ചാപ്റ്റർ ഇഷ്മള സ്വീകരണം നൽകി. കോളെജ് പൂർവ്വ വിദ്യാർത്ഥികൾ സംഘടിപ്പിച്ച “പാടിയും പറഞ്ഞും” സംഗീത പരിപാടിക്കും അദ്ദേഹം നേതൃത്വം നൽകി. ഇത്തരം സംഗമങ്ങളിൽ പങ്കാളിയാകുമ്പോൾ കോളെജ് കാമ്പസിലെത്തിയ പ്രതീതിയാണെന്നും അദ്ദേഹം പറഞ്ഞു. പി എസ് എം കൊളെജ് അലുംനിയുടെ കലാ സാംസ്കാരിക പരിപാടികളും ജീവ കാരുണ്യ പ്രവർത്തനങ്ങളും ശ്ലാഘനീയമാണെന്ന് അദ്ദേഹം അഭിപ്രായപ്പെട്ടു.
ടെലിവിഷൻ റിയാലിറ്റി ഷോ ജഡ്ജ് കൂടിയായി ഫിറോസ് ബാബുവും പി എസ് എം ഓ കോളേജ് പൂർവ്വ വിദ്യാർഥിയാണ്. ജിദ്ദയിൽ തിരൂരങ്ങാടി കോളെജ് അലുംനി ഏറ്റവും സജീവമായി നിലനിൽക്കുന്നതിൽ അദ്ദേഹം സന്തോഷവും പ്രകടിപ്പിച്ചു.
ഫിറോസ് അവതരിപ്പിച്ച സംഗീത പരിപാടി ശ്രദ്ധേമായി. അലൂംനി എക്സിക്യൂട്ടീവ് ഗ്രൂപ്പിലെ ഗായകരായ സീതി കൊളക്കാടൻ, ബഷീർ അച്ഛമ്പാട്ട് , റഹ്മത്ത് അലി, ഡോ. മുഹമ്മദ് ഫൈസൽ, അനസ്, ജഹ്ഫർ മേലെവീട്ടിൽ എന്നിവരും ഗാനാലാപനം നടത്തി.
33 വർഷത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന അലുംനി എക്സിക്യൂട്ടീവ് മെമ്പറും സജീവ പ്രവർത്തകനുമായ കെ കെ മുസ്തഫ ചെറുമുക്കിനു യാത്രയയപ്പും നൽകി. ഉപഹാരം ഫിറോസ് ബാബു കൈമാറി.
പരിപാടിയിൽ അലൂംനി ജനറൽ സെക്രട്ടറി അഷ്റഫ് കുന്നത്ത് സ്വാഗതം പറഞ്ഞു. പ്രസിഡന്റ് സീതി കൊളക്കാടൻ അദ്ധ്യക്ഷത വഹിച്ചു. ചീഫ് പാട്രൺ സലാഹ് കാരാടൻ ഉദ്ഘാടനം ചെയ്തു. ട്രഷറർ സിദ്ധീഖ് ഒളവട്ടൂർ, അശ്റഫ് അഞ്ചാലൻ, കെ.എം.എ.ലത്തീഫ്, വി.പി.മുസ്തഫ, അബ്ദുസ്സമദ് പൊറ്റയിൽ, ശമീം താപ്പി, ഡോ. മുഹമ്മദ് ഫൈസൽ, ജഹ്ഫർ മേലെവീട്ടിൽ, റഹ്മത്ത് അലി എരഞ്ഞിക്കൽ, ബഷീർ അച്ചമ്പാട്ട്, അനസ് താനൂർ, ഇല്ല്യാസ് കല്ലിങ്ങൽ, നൗഷാദ് വെങ്കിട്ട, ജലാൽ തേഞ്ഞിപ്പലം, എം.സി. സുഹൈൽ, സി. മുഹമ്മദ് അൻസാരി, അശ്റഫ് വള്ളിക്കുന്ന്, എന്നിവർ ആശംസകൾ നേർന്നു.