അബുദാബി: പൊന്നാനി എം.ഇ.എസ് കോളേജിലെ പൂർവ വിദ്യാർത്ഥികളുടെ അബുദാബിയിലെ കൂട്ടായ്‌മയായ മെസ്‌പൊ അബുദാബി, ഇഫ്താർ സംഗമം നടത്തി. അബുദാബി കേരളാ സോഷ്യൽ സെന്ററിൽ നടന്ന സംഗമത്തിൽ വിവിധ കാലയളവിൽ പൊന്നാനി എം.ഇ.എസ് കോളേജിൽ പഠിച്ച ഇരുന്നൂറോളം പൂർവ വിദ്യാർത്ഥികൾ പങ്കെടുത്തു. ‘വ്രതത്തിന്റെ ആത്മാവും ശാസ്ത്രവും വിവിധ മതങ്ങളിൽ’ എന്ന വിഷയത്തിൽ ഡോ. അബ്ദുൽ റഷീദ് കെ.വി. പ്രഭാഷണം നടത്തി.
അഷ്‌റഫ് പന്താവൂർ അദ്ധ്യക്ഷത വഹിച്ചു.
കേരളാ സോഷ്യൽ സെന്റർ ജനറൽ സെക്രട്ടറി നൗഷാദ് യൂസഫ്, ജോയിന്റ് സെക്രട്ടറി പ്രകാശ് പള്ളിക്കാട്ടിൽ , മലയാളം മിഷൻ ഡയറക്ടർ സഫറുള്ള പാലപ്പെട്ടി, എന്നി മെസ്‌പോ അംഗങ്ങളെയും, കരാട്ടെ ബ്ലാക്ക്ബെൽറ്റ് ജേതാവായ സന ഫഹ്മിദാ, മുതിർന്ന അംഗങ്ങളായ ബഷീർ കോറോത്തിയിൽ, അബ്ദുൽ റസാഖ്, ഡോ. അബ്ദുൽ റഷീദ് എന്നിവരെയും ആദരിച്ചു. ഹാരിസ് കാളിയത്തെൽ, മുല്ലപ്പൂ അസീസ്, നവാബ് മേനത്ത്. അബ്ദുൽ മജീദ് പൊന്നാനി, അബുബക്കർ എ.വി, നൗഷാദ് യൂസഫ് എന്നിവർ സംസാരിച്ചു. ശക്കീബ് പൊന്നാനി സ്വാഗതവും, റാഫി പാടൂർ നന്ദിയും പറഞ്ഞു.