റിയാദ്: റിയാദ് കെ.എം.സി.സി ധര്‍മടം മണ്ഡലം കമ്മിറ്റി നടത്തി വരുന്ന ‘ഇഗ്‌നൈറ്റ്’ സീസണ്‍ 4 ന്റെ ഭാഗമായി റിയാദിലെ വിവിധ മേഖലകളില്‍ പ്രവര്‍ത്തിക്കുന്ന മദ്‌റസകളെ പങ്കെടുപ്പിച്ച് സംഘടിപ്പിച്ച ‘മവദ്ദ’ മദ്‌റസ ഫെസ്റ്റില്‍ ദാറുല്‍ ഫുര്‍ഖാന്‍ മദ്‌റസ അസീസിയ ചാമ്പ്യന്മാരായി. വാദി ത്വയ്ബ മദ്‌റസക്കാണ് രണ്ടാം സ്ഥാനം. ‘മുസ്‌ലിം ലീഗ്; ഈ സമുദായം എന്ത് നേടി’ എന്ന ശീര്‍ഷകത്തില്‍ സാംസ്‌കാരിക സമ്മേളനം സംഘടിപ്പിച്ചു.
കെ എം സി സി സൗദി നാഷണല്‍ കമ്മിറ്റി വൈസ് പ്രസിഡന്റ് വി.കെ മുഹമ്മദ് സമ്മേളനം ഉദ്ഘാടനം ചെയ്തു. റിയാദ് കെ എം സി സി ചെയര്‍മാന്‍ യു.പി. മുസ്തഫ മുഖ്യ പ്രഭാഷണം നിര്‍വഹിച്ചു. കെ എം സി സി നേതാക്കളായ അന്‍വര്‍ വാരം, റസാഖ് വളക്കൈ, സാബിത് വേങ്ങാട്, നൗഷാദ് കെ.പി, നിഷാദ് പൊതുവാച്ചേരി വിവിധ മദ്‌റസകളെ പ്രധിനിധീകരിച്ച് ഹനീഫ് മാസ്റ്റര്‍, നൗഷാദ് ഹുദവി, സലീം ചാലിയം, വലീദ് ഖാന്‍ എന്നിവര്‍ സംസാരിച്ചു. ഹാഫിദ് ഫര്‍ഹാന്‍ ഇസ്‌ലാഹി, ഹാഫിദ് മുഹമ്മദ് റാഷിഖ്, മുബഷിര്‍ ഹുദവി, അഷ്‌റഫ് ഫൈസി എന്നിവര്‍ കലാ മത്സരങ്ങളുടെ വിധി നിര്‍ണയം നിര്‍വഹിച്ചു. മണ്ഡലം ഭാരവാഹികളായ കബീര്‍ അഞ്ചരക്കണ്ടി, ബഷീര്‍ പിണറായി, റഫീഖ് കല്ലായി, നൗഫല്‍ കൊയ്യോട്, ഹാഷിം കാണയന്നൂര്‍,സഈദ് കല്ലായി,സഹീര്‍ ചക്കരക്കല്‍ എന്നിവര്‍ പരിപാടികള്‍ നിയന്ത്രിച്ചു.