ജിസാൻ: മാനവികതയുടെയും മനുഷ്യസ്നേഹത്തിന്റെയും സന്ദേശം പകർന്നു കൊണ്ട് ജിസാൻ ആർട്ട് ലവേഴ്‌സ് അസോസിയേഷൻ (ജല) ജിസാനിൽ സംഘടിപ്പിച്ച ജനകീയ ഇഫ്താർ സംഗമം വമ്പിച്ച ജനപങ്കാളിത്തം കൊണ്ട് ശ്രദ്ധേയമായി. ജിസാൻ ജനറൽ ആശുപത്രിക്ക് സമീപമുള്ള മുനിസിപ്പൽ മൈതാനിയിൽ നടന്ന ഇഫ്താർ സംഗമം ജിസാനിലെ പ്രവാസി മലയാളി സമൂഹവും കുടുംബങ്ങളും സാമൂഹിക-സാംസ്‌കാരിക-മത സംഘടനാ നേതാക്കളും പ്രവർത്തകരും ഒത്തുചേർന്ന ജിസാനിലെ ഏറ്റവും വലിയ മതേതര ജനകീയ പ്രവാസി മലയാളി സംഗമമായി മാറി.
ഇഫ്താർ സംഗമം ജല ജനറൽ സെക്രട്ടറി സലാം കൂട്ടായി ഉദ്ഘാടനം ചെയ്‌തു. വർഗീയ ശക്തികൾ മനുഷ്യ മനസുകളിൽ വെറുപ്പും വിദ്വേഷവും നിറയ്ക്കുന്ന വർത്തമാനകാലത്ത് പരസ്‌പര സ്‌നേഹവും സൗഹാർദ്ദവും പങ്കിട്ടുകൊണ്ട് പ്രവാസികൾ മതേതരമായി ഒരുമിക്കുന്ന ഇഫ്താർ സംഗമങ്ങൾ മാനവികതയുടെ പൊതുഇടങ്ങളാണെന്ന് അദ്ദേഹം പറഞ്ഞു.
ജല കേന്ദ്രകമ്മിറ്റി പ്രസിഡൻറ് ഫൈസൽ മേലാറ്റൂർ അധ്യക്ഷത വഹിച്ചു. ജല രക്ഷാധികാരി സതീഷ് കുമാർ നീലാംബരി റമദാൻ സന്ദേശം നൽകി. ജല മുഖ്യ രക്ഷാധികാരി വെന്നിയൂർ ദേവൻ, ട്രഷറർ ഡോ. ജോ വർഗീസ്,രക്ഷാധികാരി സമിതി അംഗങ്ങളായ എൻ.എം.മൊയ്‌തീൻ ഹാജി ചേലക്കര, എം.കെ.ഓമനക്കുട്ടൻ ,വൈസ് പ്രസിഡന്റ് ഹനീഫ മുന്നിയൂർ എന്നിവർ ആശംസകൾ നേർന്നു. ചടങ്ങിൽ ജല സെക്രട്ടറിമാരായ അനീഷ് നായർ സ്വാഗതവും സണ്ണി ഓതറ നന്ദിയും പറഞ്ഞു. സൗദി പൗരപ്രമുഖൻ ഖാലിദ് ബിൻ ഗരീബ് അബു ജനാദിബ് സമൂഹ പ്രാർത്ഥനക്കു നേതൃത്വം നൽകി .
ജബ്ബാർ പാലക്കാട്, സലിം മൈസൂർ ,ജോർജ് തോമസ് ,ഹർഷദ് അമ്പയകുന്നുമ്മേൽ,സിയാദ് പുതുപ്പറമ്പിൽ, ഷാജി കൊല്ലം, സമീർ പരപ്പനങ്ങാടി, ബിനു ബാബു, അബ്ദുൽ ഹകീം, ശിഹാബ് കരുനാഗപ്പള്ളി ,മുസ്തഫ പൂവത്തിങ്കൽ, മുസ്തഫ പട്ടാമ്പി, സലാം എളമരം, അഷ്‌റഫ് മണ്ണാർക്കാട്, സാദിഖ് പരപ്പനങ്ങാടി, നിസാർ, നൗഷാദ് പുതിയതോപ്പിൽ, അഷ്‌റഫ് പാണ്ടിക്കാട്, ജാഫർ താനൂർ, ജമാൽ കടലുണ്ടി, ജിനു, ബാലൻ കൊടുങ്ങല്ലൂർ എന്നിവർ പരിപാടികൾക്ക് നേതൃത്വം നൽകി.