സ്ത്രീകളെയും കുട്ടികളെയും ഉപയോഗിച്ച് ഭിഷാടനം; യെമനി യുവാവ് അറസ്റ്റില്‍

റിയാദ് – സ്ത്രീകളെയും കുട്ടികളെയും ചൂഷണം ചെയ്ത് ഭിക്ഷാടനം ചെയ്യിപ്പിച്ച യുവാവിനെ റിയാദ് പോലീസ് അറസ്റ്റ് ചെയ്തു. പൊതുസ്ഥലങ്ങളിലും റോഡുകളിലും ഭിക്ഷാടനം നടത്താന്‍ സ്വന്തം നാട്ടുകാരായ സ്ത്രീകളെയും കുട്ടികളെയുമാണ് ഇയാൾ ഉപയോഗിച്ചത്.

യാചകരെ നിരീക്ഷിക്കാനും പിടികൂടാനുമുള്ള സുരക്ഷാ കാമ്പെയ്നിൻ്റെ ഭാഗമായാണ് മനുഷ്യക്കടത്ത് വിരുദ്ധ നിയമം ലംഘിച്ച യെമനിയെ അറസ്റ്റ് ചെയ്തത്.
നിയമാനുസൃത നടപടികള്‍ സ്വീകരിച്ച് പ്രതിയെ പബ്ലിക് പ്രോസിക്യൂഷന് കൈമാറി. പ്രതിയുടെ പക്കല്‍ നിന്ന് രക്ഷിച്ച സ്ത്രീകള്‍ക്കും കുട്ടികള്‍ക്കും ആവശ്യമായ മാനുഷിക സേവനങ്ങള്‍ നല്‍കുമെന്ന് പോലീസ് അറിയിച്ചു.