റിയാദ് : പാണക്കാട് സയ്യിദ് മുഹമ്മദലി ശിഹാബ് തങ്ങളും സി എച്ച് മുഹമ്മദ് കോയയും പ്രതിഭാധനരായ നേതാക്കളായിരുന്നുവെന്ന് റിയാദ് മലപ്പുറം ജില്ലാ കെഎംസിസി കമ്മിറ്റി സംഘടിപ്പിച്ച അനുസ്മരണ സമ്മേളനം അഭിപ്രായപ്പെട്ടു. ബത്ഹ നൂർ ഓഡിറ്റോറിയത്തിൽ ‘ തങ്ങളും സി എച്ചും ‘ എന്ന ശീർഷകത്തിൽ നടന്ന അനുസ്മരണ സമ്മേളനം റിയാദ് കെഎംസിസി സെൻട്രൽ കമ്മിറ്റി ജനറൽ സെക്രട്ടറി ശുഐബ് പനങ്ങാങ്ങര ഉദ്ഘാടനം ചെയ്തു.
മലപ്പുറം ജില്ല കെഎംസിസി പ്രസിഡന്റ് ഷൗക്കത്ത് കടമ്പോട്ട് അധ്യക്ഷത വഹിച്ചു. ഉയർന്ന വിദ്യാഭ്യാസവും സർഗാത്മക കഴിവുമുള്ള ശിഹാബ് തങ്ങളെ, സ്നേഹത്തിന്റെയും കാരുണ്യത്തിന്റെയും പ്രതീകമായിട്ടാണ് ചരിത്രം രേഖപ്പെടുത്തിയതെന്ന് ഉദ്ഘാടന പ്രസംഗത്തിൽ ഷുഹൈബ് പനങ്ങാങ്ങര അഭിപ്രായപ്പെട്ടു. സ്വന്തം കഴിവ് കൊണ്ടും പ്രതിഭകൊണ്ടും കേരളീയ സമൂഹത്തിൽ മായാത്ത മുദ്ര ചാർത്തിയ നേതാവായിരുന്നു സി എച്ച് മുഹമ്മദ് കോയ. എഴുത്തുകാരൻ, പ്രഭാഷകൻ, ഭരണാധികാരി, പത്രപ്രവർത്തകൻ തുടങ്ങി സർവ്വ മേഖലയിലും കഴിവ് തെളിയിച്ച സി എച്ച് മുസ്‌ലിം സമുദായത്തിന്റെ പുരോഗതിക്ക് അസ്ഥിവാരം പണിത നേതാവായിരുന്നുവെന്നും അദ്ദേഹം കൂട്ടിച്ചേർത്തു.
“മാനവികതയുടെ തങ്ങൾ” എന്ന വിഷയത്തിൽ മുഹമ്മദ് കോയ വാഫി വയനാടും “സിഎച്ചിന്റെ ഭരണ നൈപുണ്യം” എന്ന വിഷയത്തിൽ റിയാദ് കെഎംസിസി സെൻട്രൽ കമ്മിറ്റി ചെയർമാൻ യുപി മുസ്തഫയും “സിഎച്ച് എന്ന സാമുദായിക നേതാവ് ” എന്ന വിഷയത്തിൽ റിയാദ് കെഎംസിസി സെൻട്രൽ കമ്മിറ്റി സെക്രട്ടറി ശാഫി മാസ്റ്റർ തുവ്വൂരും പ്രഭാഷണം നിർവ്വഹിച്ചു.
റിയാദ് കെഎംസിസി സെൻട്രൽ കമ്മിറ്റി ഭാരവാഹികളായ സത്താർ താമരത്ത്, അസീസ് വെങ്കിട്ട, സിറാജ് മേടപ്പിൽ സൗദി കെഎംസിസി നാഷണൽ കമ്മിറ്റി നേതാക്കളായ തെന്നല മൊയ്തീൻ കുട്ടി, മുജീബ് ഉപ്പട എന്നിവർ പ്രസംഗിച്ചു .
റിയാദ് കെഎംസിസി മലപ്പുറം ജില്ല കമ്മിറ്റി സംഘടിപ്പിച്ച കോപ്പ അമേരിക്ക,യൂറോ കപ്പ് പ്രവചന മത്സരത്തിൽ വിജയികളായവർക്കുളള ടർമർ കമ്പനി സ്പോൺസർ ചെയ്ത സമ്മാനങ്ങൾ വിതരണം ചെയ്തു . വിജയികൾക്കുള്ള സമ്മാനദാനം റിയാദ് കെഎംസിസി സെൻട്രൽ കമ്മിറ്റി ഭാരവാഹികളായ ജലീൽ തിരൂർ,അഷറഫ് കൽപകഞ്ചേരി,റഫീഖ് മഞ്ചേരി എന്നിവർ നൽകി.
മലപ്പുറം ജില്ലാ കെഎംസിസി ഭാരവാഹികളായ ഷരീഫ് അരീക്കോട്, അലിക്കുട്ടി കൂട്ടായി, മജീദ് മണ്ണാർമ്മല, മൊയ്തീൻകുട്ടി പൊന്മള, റഫീഖ് ഹസ്സൻ, ഷബീറലി വള്ളിക്കുന്ന്, സഫീർ വണ്ടൂർ, ഇസ്മായിൽ താനൂർ, യൂനുസ് നാണത്ത്, സലാം മഞ്ചേരി, റഫീഖ് ചെറുമുക്ക്, ശിഹാബ് തങ്ങൾ കുറുവ എന്നിവർ നേതൃത്വം നൽകി.
ജനറൽ സെക്രട്ടറി സഫീർ മുഹമ്മദ് തിരൂർ സ്വാഗതവും ട്രഷറർ മുനീർ വാഴക്കാട് നന്ദിയും പറഞ്ഞു.