ജിദ്ദ :വയനാട് ദുരന്തത്തിന്റെ ആഘാതം അനുഭവിക്കുന്ന ജനതയെ നെഞ്ചോട് ചേർത്ത് നിർത്തി ജീവിതത്തിലേക്ക് വീണ്ടും കൈ പിടിച്ചു കൊണ്ടുവരുവാൻ കേരളം ഒന്നാകെ എല്ലാ അഭിപ്രായവ്യത്യാസങ്ങളും മാറ്റിവെച്ചുകൊണ്ട് ഒരുമിച്ച് പ്രവർത്തിക്കുകയാണ്. ഈ ദുരന്തത്തിന്റെ ആദ്യ ദിനങ്ങളില് തന്നെ പ്രധാനമന്ത്രി നരേന്ദ്രമോദി കേരളത്തിൽ എത്തുകയും ആവശ്യമായ സാമ്പത്തീക സഹായമടക്കം എല്ലാ തരത്തിലുമുള്ള സഹായങ്ങള് കേരളത്തോട് വാഗ്ദാനം ചെയ്തിരുന്നു.
എന്നാൽ ദുരന്തം കഴിഞ്ഞ് 50 ദിവസം പിന്നിട്ടിട്ടും സഹായിച്ചില്ല എന്ന് മാത്രമല്ല ത്രിപുരയിൽ വെള്ളപ്പൊക്കകെടുത്തിക്ക് 40 കോടി രൂപ അനുവദിക്കുകയും, കണക്ക് പോലും ചോദിക്കാതെ ആന്ധ്രാപ്രദേശിന് 3440 കോടി അനുവദിക്കുകയും ചെയ്തിരിക്കുന്നു. ഇതേ അവസരത്തില് കേരളത്തെ ഒരു ഘട്ടത്തിലും സഹായിച്ചില്ല എന്നത് പ്രതിഷേധാര്ഹാമാണ്.
കേരളം നൽകിയ ദുരന്ത കെടുതികളുടെ കണക്ക് അടങ്ങുന്ന മെമ്മോറാണ്ടം തെറ്റായി വ്യാഖ്യാനിച്ചുകൊണ്ട് കേരളത്തിലെ മാധ്യമങ്ങൾ സർക്കാരിനെതിരെ നുണപ്രചരണം നടത്തി കേരളത്തിന് അർഹമായ വിഹിതം ലഭിക്കുന്നതിന് തടസ്സം നിൽക്കുകയും, ബിജെപി ഗവർമെന്റിനെ വെള്ളപൂശാനുമാണ് കേരളത്തിലെ ഇടതുപക്ഷ വിരുദ്ധ മാധ്യമങ്ങള് ശ്രമിക്കുന്നത്. ഇത് വയനാട്ടിലെ ജനങ്ങളുടെയും കേരളത്തിന്റെയും സ്വപ്നങ്ങളുടെ തായ് വേരറുക്കുന്ന പ്രവര്ത്തിയാണ്.
ഇത്തരം നിരുത്തരവാദപരമായ പ്രതിപക്ഷത്തിന്റെയും മാധ്യമങ്ങളുടെയും പ്രവർത്തനങ്ങൾ കേരള ജനത തിരിച്ചറിയേണ്ടിരിക്കുന്നു എന്നും ഇതേപോലുള്ള വിരുദ്ധ ശക്തികൾക്കെതിരെ ശക്തമായ പ്രതിരോധം ഉയര്ത്തണമെന്നു ജിദ്ദ നവോദയ കേന്ദ്രകമ്മറ്റി പ്രമേയത്തിലൂടെ ആവശ്യപെട്ടു.