റിയാദ് – റിയാദിലും അല്‍ഖസീമിലും മറ്റുള്ളവരുടെ ജീവന്‍ അപകടത്തിലാക്കി മെയിന്‍ റോഡുകളില്‍ സാഹസികമായി വാഹനാഭ്യാസ പ്രകടനങ്ങള്‍ നടത്തിയ രണ്ടു യുവാക്കളെ ട്രാഫിക് പോലീസ് അറസ്റ്റ് ചെയ്തു. നിയമ ലംഘകരുടെ കാറുകളും കസ്റ്റഡിയിലെടുത്തിട്ടുണ്ട്. ഇരുവരും വാഹനാഭ്യാസ പ്രകടനങ്ങള്‍ നടത്തുന്നതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു.
ഇത് ശ്രദ്ധയില്‍ പെട്ട് അന്വേഷണം നടത്തിയാണ് നിയമ ലംഘകരെ തിരിച്ചറിഞ്ഞ് അറസ്റ്റ് ചെയ്തത്. ഗതാഗത നിയമം അനുശാസിക്കുന്ന ഏറ്റവും കടുത്ത ശിക്ഷകള്‍ പ്രഖ്യാപിക്കാന്‍ ഇരുവരെയും പ്രത്യേക ട്രാഫിക് അതോറിറ്റിക്ക് കൈമാറിയതായി സൗദി ട്രാഫിക് ഡയറക്ടറേറ്റ് അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group