ദോഹ: ഐക്യരാഷ്ട്ര സഭയുടെ പത്താമത് അന്താരാഷ്ട്ര യോഗ ദിനാചരണ ഭാഗമായി ഖത്തറിലെ ഇന്ത്യൻ എംബസി പ്രവാസി സംഘടനകളുടെ സഹകരണത്തോടെ പ്രത്യേക പരിപാടി സംഘടിപ്പിക്കുന്നു. ജൂൺ 21 വെള്ളിയാഴ്ച വൈകീട്ട് ആറുമുതൽ 8.30 വരെ ഏഷ്യൻ ടൗൺ ക്രിക്കറ്റ് സ്റ്റേഡിയത്തിലാണ് പരിപാടി. ‘യോഗ സ്വന്തത്തിനും സമൂഹത്തിനും’ എന്നതാണ് ഈ വർഷത്തെ പ്രമേയം. പങ്കെടുക്കുന്നവരെല്ലാം 40 മിനിറ്റ് യോഗയിൽ പങ്കെടുക്കും.
കുട്ടികൾക്കും മുതിർന്നവർക്കും യോഗ മത്സരവും യോഗ ക്വിസും പരിപാടിയുടെ ഭാഗമായി നടക്കും. https://forms.gle/ekdjpYrXn7g6oCUw8 എന്ന ലിങ്ക് വഴി മുൻകൂട്ടി രജിസ്റ്റർ ചെയ്ത് ആർക്കും പരിപാടിയിൽ പങ്കെടുക്കാം. 2014 ഡിസംബറിൽ ജൂൺ 21 അന്താരാഷ്ട്ര യോഗ ദിനമായി യുഎൻ പ്രഖ്യാപിക്കാൻ യു.എന്നിൽ ആവശ്യപ്പെടുന്നത്. 177 രാജ്യങ്ങളുടെ പിന്തുണയോടെ ഇത് നടപ്പായി. ഏതാനും വർഷമായി ഖത്തർ ഉൾപ്പെടെ രാജ്യങ്ങളിൽ ഗംഭീരമായി യോഗ ദിനം ആചരിക്കുന്നു.
2022ൽ എട്ടാമത് അന്താരാഷ്ട്ര യോഗ ദിനാചരണ ഭാഗമായി ദോഹയിൽ നടത്തിയ പരിപാടിയിൽ 114 രാജ്യങ്ങളിൽനിന്നുള്ളവർ സംബന്ധിച്ചു. ഒരൊറ്റ യോഗ പരിപാടിയിൽ ഏറ്റവും കൂടുതൽ രാജ്യക്കാർ പങ്കെടുത്തതിനുള്ള ഗിന്നസ് റെക്കോർഡും ആ പരിപാടിക്ക് ലഭിച്ചു. കൂടുതൽ വിവരങ്ങൾക്ക് [email protected], [email protected] എന്നീ മെയിൽ വിലാസത്തിലും 44255709; 44255745 എന്നീ ഫോൺ നമ്പറുകളിലും ബന്ധപ്പെടാം.
വാർത്താ സമ്മേളനത്തിൽ ഇന്ത്യൻ അംബാസിഡർ വിപുൽ,ഇന്ത്യൻ എംബസി ഫസ്റ്റ് സെക്രട്ടറി സച്ചിൻ ശങ്ക്പാൽ, ഐ സി സി പ്രസിഡന്റ് എ പി മണികണ്ഠൻ,ഐ എസ് സി പ്രസിഡന്റ് ഇ പി അബ്ദുൾറഹ്മാൻ
എന്നിവർ പങ്കെടുത്തു.