- പ്രൊഫ. കെ.എം ഖാദർ മൊയ്തീൻ തമിഴ്‌നാട് പ്രസിഡന്റും പി.കെ. കുഞ്ഞാലിക്കുട്ടി ജനറൽ സെക്രട്ടറിയുമായി വീണ്ടും തെരഞ്ഞെടുക്കപ്പെട്ട കമ്മിറ്റിയിൽ കേരളത്തിൽ നിന്ന് ജയന്തി രാജൻ, തമിഴ്‌നാട്ടിൽ നിന്ന് ഫാത്തിമ മുസഫർ എന്നി വനിതാ മുഖങ്ങളും ഭാരവാഹികളായി.
ചെന്നൈ: ഇന്ത്യൻ യൂണിയൻ മുസ്ലിം ലീഗ് ദേശീയ കമ്മിറ്റിയുടെ പുതിയ ഭാരവാഹികളെ പ്രഖ്യാപിച്ചു. പ്രൊഫ. കെ.എം ഖാദർ മൊയ്തീൻ തമിഴ്‌നാട് പ്രസിഡന്റും പി.കെ. കുഞ്ഞാലിക്കുട്ടി ജനറൽ സെക്രട്ടറിയും പി.വി അബ്ദുൽവഹാബ് എം.പി ട്രഷററുമായി വീണ്ടും തെരഞ്ഞെടുക്കപ്പെട്ട കമ്മിറ്റിയിൽ ചരിത്രത്തിൽ ആദ്യമായി വനിതകളും ഇടംപിടിച്ചു.
ചെന്നൈയിലെ അബു പാലസ് ഓഡിറ്റോറിയത്തിൽ ചേർന്ന ലീഗ് ദേശീയ കൗൺസിൽ യോഗത്തിലാണ് കമ്മിറ്റി പുനഃസംഘടിപ്പിച്ചത്. കേരളത്തിൽ നിന്ന് ജയന്തി രാജൻ, തമിഴ്‌നാട്ടിൽ നിന്ന് ഫാത്തിമ മുസഫർ എന്നിവരാണ് ലീഗ് ദേശീയ കമ്മിറ്റിയിലേക്ക് തെരഞ്ഞെടുക്കപ്പെട്ട വനിതാ മുഖങ്ങൾ.
പാണക്കാട് സയ്യിദ് സാദിഖലി ശിഹാബ് തങ്ങൾ (പൊളിറ്റിക്കൽ അഡൈ്വസറി കമ്മിറ്റി ചെയർമാൻ), ഇ.ടി മുഹമ്മദ് ബഷീർ എം.പി (ഓർഗനൈസിങ് സെക്രട്ടറി), ഡോ.എം.പി അബ്ദുസ്സമദ് സമദാനി എം.പി (സീനിയർ വൈസ് പ്രസിഡന്റ്) എന്നിവർക്കു പുറമെ കെ.പി.എ മജീദ് എം.എൽ.എ കേരളം, തമിഴ്‌നാട് മുൻ എം.പി എം അബ്ദുറഹ്മാൻ, സിറാജ് ഇബ്രാഹിം സേട്ട് കർണാടക, ദസ്ത്ഗീർ ഇബ്രാഹിം ആഗ കർണാടക, എസ്. നഈം അക്തർ ബിഹാർ, കൗസർ ഹയാത്ത് ഖാൻ യു.പി, കെ സൈനുൽ ആബിദീൻ, കേരളം (ക്ഷേമ പദ്ധതികൾ) എന്നിവർ വൈസ് പ്രസിഡന്റുമാരും പാണക്കാട് സയ്യിദ് മുനവ്വറലി ശിഹാബ് തങ്ങൾ കേരളം, ഖുർറം അനീസ് ഉമർ ഡൽഹി, നവാസ് കനി എം.പി തമിഴ്‌നാട്, അഡ്വ. ഹാരിസ് ബീരാൻ എം.പി കേരളം, അബ്ദുൽ ബാസിത് തമിഴ്‌നാട്, ടി.എ അഹമ്മദ് കബീർ കേരളം, സി.കെ സുബൈർ കേരളം എന്നിവർ സെക്രട്ടറിമാരും ആസിഫ് അൻസാരി ഡൽഹി, അഡ്വ. ഫൈസൽ ബാബു കേരളം, ഡോ.നജ്മുൽ ഹസ്സൻ ഗനി യു.പി, ഫാത്തിമ മുസഫർ തമിഴ്‌നാട്, ജയന്തി രാജൻ കേരളം, അഞ്ജനി കുമാർ സിൻഹ ജാർഖണ്ഡ്, എം.പി മുഹമ്മദ് കോയ കേരളം (ക്ഷേമ പദ്ധതികൾ) എന്നിവർ അസി. സെക്രട്ടറിമാരുമായി തെരഞ്ഞെടുക്കപ്പെട്ടു.