ജിദ്ദ– അനാകിഷ് കെ.എം.സി.സിയും ശറഫിയ അബീർ മെഡിക്കൽ സെന്ററും സംയുക്തമായി ജീവൻരക്ഷാ പരിശീലനവും മെഡിക്കൽ ക്യാമ്പും നടത്തി. ശറഫിയ അബീർ മെഡിക്കൽ സെന്ററിൽ വെച്ച് നടന്ന പരിപാടിയിൽ കുടുംബിനികൾ ഉൾപ്പെടെ നൂറിലധികം പേർ പങ്കെടുത്തു. അപകടത്തിൽപ്പെട്ടവർക്കും പൊള്ളലേറ്റവർക്കും പ്രാഥമിക ചികിത്സ നൽകുന്ന രീതികൾ, സി.പി.ആർ, പാമ്പ് കടിയേറ്റവർക്കും ഇലക്ട്രിക് ഷോക്കേറ്റവർക്കും നൽകേണ്ട അടിയന്തര ശുശ്രൂഷകൾ എന്നിവയെക്കുറിച്ച് ഡോക്ടർ മുഹമ്മദ് ഫായിസ് പരിശീലനം നൽകി. അനാകിഷ് കെ.എം.സി.സി പ്രസിഡന്റ് ബഷീർ കീഴില്ലത്തിന്റെ അധ്യക്ഷതയിൽ നടന്ന ചടങ്ങിൽ ജിദ്ദ കെ.എം.സി.സി സെൻട്രൽ കമ്മിറ്റി ആക്ടിങ് പ്രസിഡന്റ് സി.കെ റസാഖ് മാസ്റ്റർ ഉദ്ഘാടനം നിർവഹിച്ചു. നാഷണൽ കെ.എം.സി.സി സെക്രട്ടറി നാസർ വെളിയംകോട് മുഖ്യപ്രഭാഷണം നടത്തി.
ചടങ്ങിൽ കെ.എം.സി.സി ഭാരവാഹികളായ ഇസ്ഹാഖ് പൂണ്ടോളി, അബ്ദുറഹ്മാൻ വെള്ളിമാട്കുന്ന്, ഇസ്മായിൽ മുണ്ടക്കുളം, ഹസ്സൻ ബത്തേരി, നാസർ മച്ചിങ്ങൽ, സിറാജ് കണ്ണവം എന്നിവരും ജില്ലാ ഭാരവാഹികളായ ഇസ്മായിൽ മുണ്ടംപറമ്പ്, അബ്ദുള്ള ഹിറ്റാച്ചി, അഷ്റഫ് മുല്ലപള്ളി, നൗഫൽ ഉള്ളാടൻ, ഒ.പി. അബ്ദുൽസലാം, മുഹമ്മദ് കുട്ടി പാണ്ടിക്കാട്, റഹ്മത്ത് അലി എരഞ്ഞിക്കൽ എന്നിവരും നസീഹ അൻവർ, സലീന ഇബ്രാഹീം, ഹസീന അഷ്റഫ് എന്നിവരും സംസാരിച്ചു. ജനറൽ സെക്രട്ടറി എ.സി മുജീബ് പാങ്ങ് സ്വാഗതവും ട്രഷറർ അബ്ദുൽ ഫത്താഹ് താനൂർ നന്ദിയും പറഞ്ഞു. ബിഷർ ബഷീർ ഖിറാഅത്ത് നടത്തി. ബഷീർ കുറ്റികടവ്, യാസർ മാസ്റ്റർ, ബഷീർ ആഞ്ഞിലങ്ങാടി, ശരീഫ് തെന്നല, സമീർ ചെമ്മംകടവ്, അൻവർ അബ്ദുള്ള, അഫ്സൽ നാറാണത്ത്, മുസ്തഫ മാസ്റ്റർ, ശംസു മണ്ണാർക്കാട്, കുഞ്ഞാലി അബീർ, സ്മിത സിസ്റ്റർ എന്നിവർ പരിപാടികൾക്ക് നേതൃത്വം നൽകി.