27,000 കോടി രൂപയു‌ടെ ജല വൈദ്യുതി പദ്ധതിയുമായി കുവൈത്ത്

കുവൈത്ത് സിറ്റി– നിലവിൽ നേരിടുന്ന വൈദ്യുതി ക്ഷാമം പരിഹരിക്കാനായി ജല വൈദ്യുതി പദ്ധതിക്ക് തു‌ടക്കമിട്ട് കുവൈറ്റ് സർക്കാർ. അൽ-സൂർ നോർത്ത് എന്ന പേരുള്ള പദ്ധതിക്കായി ഒരു ബില്യൺ കുവൈത്ത് ദിനാറാണ് (ഏകദേശം 27,000 കോടി ഇന്ത്യൻ രൂപ) ചെലവാക്കുന്നത്.ചെലവ് നിക്ഷേപകരാണ് വഹിക്കുന്നത്.

പദ്ധതിക്കായി സൗ​ദിയിലെ എ.സി.ഡബ്ല്യൂ.എ പവർ, ​ഗൾഫ് ഇൻവെസ്റ്റ്മെന്റ് കോർപ്പറേഷൻ എന്നിവരുമായി ഞായറാഴ്ച കരാർ ഒപ്പുവെച്ചു. മൂന്ന് വർഷത്തിനകം പൂർത്തിയാകുന്ന ഈ പദ്ധതിയിലൂടെ 2.7 ജി​ഗാവാട്ട് (GW), 120 മില്യൺ ​ഗാലൺ കു‌‌ടിവെള്ളവും ഉൽപാദിപ്പിക്കാനാകും.