ജിദ്ദ- സൗദി അറേബ്യയുടെ 96-ാം ദേശീയ ദിനം കൊണ്ടോട്ടി സെന്റർ ജിദ്ദ വിപുലമായി ആഘോഷിച്ചു. കുട്ടികളും കുടുംബിനികളും അടക്കം ധാരാളം പേർ പങ്കെടുത്തു. സൗദി അറേബ്യയുടേയും ഇന്ത്യയുടെയും ദേശീയ ഗാനങ്ങൾ ആലപിച്ചും കൊടികൾ വീശിയും മധുരം വിതരണം ചെയ്തും സൗദിയോടുള്ള ബന്ധം ഊഷ്മളമാക്കി. ആധുനിക സൗദിയുടെ വികസന ശിൽപികൾക്ക് ആശംസ നേർന്നും പ്രാർത്ഥിച്ചും ആഘോഷങ്ങൾക്ക് പൊലിവേകി.
ലക്ഷകണക്കിന് കുടുംബങ്ങൾക്ക് അഭയം നൽകിയ രാജ്യത്തിനോട് ഓരോ വിദേശിയും കടപെട്ടിട്ടുണ്ട് എന്ന് പരിപാടി ഉൽഘാടനം ചെയ്ത ഒരുമ ജനറൽ സെക്രട്ടറി സലീം മധുവായി അഭിപ്രായപ്പെട്ടു. ഗഫൂർ ചുണ്ടക്കാടൻ അധ്യക്ഷത വഹിച്ചു. എ.ടി ബാവ തങ്ങൾ, ഹസ്സൻ കൊണ്ടോട്ടി, ഇർഷാദ് കളത്തിങ്ങൾ, ജംഷി കടവണ്ടി, ജംഷി ബാവ കാരി എന്നിവർ ആശംസകൾ നേർന്നു. നംഷീർ കൊണ്ടോട്ടി, അഷ്റഫ് കൊട്ടേൽസ്, ഹിദായത്ത്, ഇസ്മായിൽ നെടിയിരുപ്പ്, എ.ടി നസ്റുതങ്ങൾ, മധുവായി റഫീഖ്, എ.ടി. റഫീഖലി തങ്ങൾ എന്നിവർ പരിപാടികൾക്ക് നേതൃത്വം നൽകി. റഹ്മത്ത്അലി എരഞ്ഞിക്കൽ സ്വാഗതവും കബീർ നീറാട് നന്ദിയും പറഞ്ഞു
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group