റിയാദ് – ഹോത്താ സുദൈര്‍ ഏരിയാ കെ എം സി സി കമ്മിറ്റി സ്വരൂപ്പിച്ച മഞ്ചേരി സിഎച്ച് സെന്ററിനുള്ള ഡയാലിസിസ് ഫണ്ട് റിയാദ് ഡി പാലസ് ഓഡിറ്റോറിയത്തില്‍ ഹോത്താ സുദൈര്‍ കെഎംസിസി പ്രസിഡന്റ് ഹംസ ആതവനാട് റിയാദ് സെന്‍ട്രല്‍ കമ്മിറ്റി വൈസ് പ്രസിഡന്റും റിയാദ് മഞ്ചേരി സിഎച്ച് സെന്റര്‍ ചാപ്റ്റര്‍ പ്രസിഡന്റുമായ റഫീഖ് പുല്ലൂരിന് കൈമാറി.
സൗദി നാഷണല്‍ കമ്മിറ്റി ജനറല്‍ സെക്രട്ടറി അഷ്‌റഫ് വേങ്ങാട്ട്, സെന്‍ട്രല്‍ കമ്മിറ്റി പ്രസിഡന്റ് സി പി മുസ്തഫ, ജനറല്‍ സെക്രട്ടറി ഷുഹൈബ് പനങ്ങാങ്ങര, മുജീബ് ഉപ്പട, മുഹമ്മദ് വേങ്ങര, ഹോത്താ സുദൈര്‍ കമ്മിറ്റി ട്രഷറര്‍ മുസ്തഫ ചെറുമുക്ക്, മുസ്തഫ കാപ്പാട്, നവാസ് ബീമാപള്ളി, റിയാദ് മഞ്ചേരി മണ്ഡലം നേതാക്കളായ നാസര്‍ പാതിരിക്കോട്, ബാബു നെല്ലികുത്ത്, ജാഫര്‍ വീമ്പൂര്‍, മുഹമ്മദ് കിഴാറ്റൂര്‍, ആസാദ് പാണ്ടിക്കാട്, ഷാഫി വെട്ടിക്കാട്ടിരി എന്നിവര്‍ പങ്കെടുത്തു.