റിയാദ്- ലോകസഭാ തെരഞ്ഞെടുപ്പ് ആവേശവുമായി പാലക്കാട് ജില്ല റിയാദ് യുഡിഎഫ് കണ്‍വെന്‍ഷന്‍ ബത്ഹ അപ്പോളോ ഡിമോറ ഓഡിറ്റോറിയത്തില്‍ സംഘടിപ്പിച്ചു. പാലക്കാട് ജില്ലയുടെ ഭാഗമായി മത്സരിക്കുന്ന വികെ ശ്രീകണ്ഠന്‍, രമ്യ ഹരിദാസ്, അബ്ദുല്‍ സമദ് സമദാനി എന്നിവര്‍ക്ക് വോട്ടഭ്യര്‍ഥിച്ച് നടത്തിയ കണ്‍വെന്‍ഷനില്‍ കെഎംസിസി, ഒഐസിസി നേതാക്കളും പ്രവര്‍ത്തകരുമടക്കം നൂറ് കണക്കിനാളുകള്‍ പങ്കെടുത്തു.
റിയാദ് പാലക്കാട് ജില്ല യുഡിഎഫ് ചെയര്‍മാന്‍ ഷിഹാബ് കരിമ്പാറ അധ്യക്ഷത വഹിച്ചു. ഒഐസിസി സംഘടന ചുമലതയുള്ള ജനറല്‍ സെക്രട്ടറി ഫൈസല്‍ ബാഹസ്സന്‍ പരിപാടി ഉദ്ഘാടനം ചെയ്തു. വര്‍ഗ്ഗീയ ഫാസിസ്റ്റ് ശക്തികളുടെ കൈകളില്‍ നിന്ന് രാജ്യത്തെ മോചിപ്പിക്കുക എന്ന ലക്ഷ്യവുമായി രൂപീകരിച്ച ഇന്ത്യാ സഖ്യം ദേശീയതലത്തില്‍ സര്‍ക്കാര്‍ രൂപീകരിക്കുമെന്നതില്‍ സംശയം വേണ്ട. എന്നാല്‍ വലിയ മുന്നേറ്റമുണ്ടാക്കുമെന്ന് ബിജെപിയും മോദിയും ചില മാധ്യമങ്ങളെ കൂട്ടുപിടിച്ച് സര്‍വ്വേ ഫലങ്ങള്‍ പെരുപ്പിച്ച് കാണിച്ച് ആവര്‍ത്തിക്കുന്നുണ്ടെങ്കിലും തിരിച്ചടിയുണ്ടാകുമെന്ന കാര്യത്തില്‍ അവര്‍ക്ക് തന്നെ വലിയ രീതിയില്‍ ആശങ്കയുണ്ട്. അതുകൊണ്ട് തന്നെ നരേന്ദ്രമോദിക്കും സംഘ് പരിവാര്‍ നേതാക്കള്‍ക്കും ഉറക്കമില്ലാത്ത രാത്രികളാകും ഈ വരാന്‍ പോകുന്ന തെരഞ്ഞെടുപ്പ് സമ്മാനിക്കുകയെന്നും അദ്ദേഹം പറഞ്ഞു.
കെഎംസിസി സെന്‍ട്രല്‍ കമ്മിറ്റി ഓര്‍ഗനൈസിംഗ് സെക്രട്ടറി സത്താര്‍ താമരത്ത് മുഖ്യ പ്രഭാഷണം നടത്തി. യുഡിഎഫ് സെന്‍ട്രല്‍ കമ്മിറ്റി ചെയര്‍മാന്‍ അബ്ദുല്ല വല്ലാഞ്ചിറ, കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി ഷുഹൈബ് പനങ്ങാങ്ങര, ഒഐസിസി സെന്‍ട്രല്‍ കമ്മിറ്റി സീനിയര്‍ വൈസ് പ്രസിഡന്റ് മുഹമ്മദലി മണ്ണാര്‍ക്കാട്, ബാലുക്കുട്ടന്‍, കെഎംസിസി പാലക്കാട് ആക്റ്റിംഗ് പ്രസിഡന്റ് മുസ്തഫ വേളൂരാന്‍, ഒഐസിസി സെന്‍ട്രല്‍ കമ്മറ്റി വര്‍ക്കിംഗ് പ്രസിഡന്റ് നവാസ് വെള്ളിമാട്കുന്ന്, ഒഐസിസി നാഷണല്‍ കമ്മറ്റി മെമ്പര്‍മാരായ അഡ്വ: അജിത്, സലീം അര്‍ത്തിയില്‍, സെന്‍ട്രല്‍ കമ്മിറ്റി സെക്രട്ടറി ഹകീം പട്ടാമ്പി,റിയാദ് ഒഐസിസി തൃശ്ശൂര്‍ ജില്ലാ പ്രസിഡന്റ് നാസര്‍ വലപ്പാട്,റിയാദ് യുഡിഎഫ് സെന്‍ട്രല്‍ കമ്മിറ്റി കണ്‍വീനര്‍ സുരേഷ് ശങ്കര്‍ എന്നിവര്‍ സംസാരിച്ചു.
റിയാദ് ഒഐസിസി പാലക്കാട് ജില്ലാ ട്രഷറര്‍ ഷഹീര്‍ കൊട്ടേക്കാട്, സെക്രട്ടറി സൈനുദീന്‍, സെന്‍ട്രല്‍ കമ്മിറ്റി സെക്രട്ടറി മുസ്തഫ വിഎം, ജോയിന്‍ ട്രഷറര്‍ നിഹാസ് പാലക്കാട്, സെക്രട്ടറി ബാബു പട്ടാമ്പി, അന്‍സാര്‍ തൃത്താല, റിയാദ് കെഎംസിസി പാലക്കാട് ജില്ല വിവിധ മണ്ഡലം നേതാക്കളായ ശരീഫ് പാക്കത്ത്, സിറാജ് മണ്ണൂര്‍ ബഷീര്‍ കറൂക്കില്‍, സുലൈമാന്‍ കുട്ടി, ബാദുഷ, മുസ്തഫ വാഫി, പിവി മൊയ്ദീന്‍ കുട്ടി, അബു താഹിര്‍ എന്നിവര്‍ നേതൃത്വം നല്‍കി. യുഡിഎഫ് പാലക്കാട് ജില്ല കണ്‍വീനര്‍ അഷ്‌റഫ് വെള്ളപ്പാടം സ്വാഗതവും കെഎംസിസി പാലക്കാട് ജില്ല വൈസ് പ്രസിഡന്റ് നിയാസ് പാലക്കാട് നന്ദിയും പറഞ്ഞു.