ഇഫ്‌താർ, ഈസ്റ്റർ സംഗമം സംഘടിപ്പിച്ച് ദുബൈ പോപ്പി

ദുബായ്- യു.എ.ഇയുടെ വിവിധ എമിറേറ്റ്സിലുള്ള നിലമ്പൂർ പോത്തുകല്ല് പഞ്ചായത്തിലുള്ളവരുടെ കൂട്ടായ്മയായ ദുബൈ പോപ്പിയുടെ ഈ വർഷത്തെ ഇഫ്താർ, ഈസ്റ്റർ സംഗമം അൽ ഖുസൈസ് കാലിക്കറ്റ് സിറ്റി റെസ്റ്റോറന്റിൽ നടത്തി.

നിലമ്പൂർ പ്രവാസി അസോസിയേഷൻ മുഖ്യ രക്ഷാധികാരി ബാലകൃഷ്‌ണൻ അരിപ്ര ഉദ്ഘാടനം ചെയ്തു. സെക്രട്ടറിയേറ്റ് ഭാരവാഹി ബിജു ജേക്കബ്സൺ അധ്യക്ഷത വഹിച്ചു. കൂട്ടായ്‌മയുടെ വിവിധ പരിപാടികളിൽ മികച്ച സേവനം കാഴ്ചവെച്ച ബൈജു പൂളപ്പാടം, മഹ്‌റൂഫ് മണ്ടായി എന്നിവർക്കുള്ള ഉപഹാരങ്ങൾ ബിജു, വിനോദ് കുമാർ, ഷാജി, രമ്യ എന്നിവർ കൈമാറി.

നാട്ടിൽ നിന്നും വിസിറ്റ് വിസയിൽ വന്ന കപ്പാച്ചലിൽ ഉമ്മർ, ചങ്കരായി മാനു തമ്പുരാട്ടിക്കല്ല് എന്നിവർ മുഖ്യാതിഥികളായിരുന്നു.
നിലമ്പൂർ അസോസിയേഷൻ വൈസ് പ്രസിഡണ്ട് നാസർ എടപ്പറ്റ, എക്സിക്യൂട്ടീവ് അംഗം ഷിബു ശശിധരൻ, കെ ടി ജുനൈസ്, വിനോദ് കുമാർ എന്നിവർ പ്രസം​ഗിച്ചു.