മനാമ: ബഹ്റൈനിലെ പ്രമുഖ സാംസ്കാരിക സംഘടനയായ കേരള കാത്തലിക്ക് അസോസിയേഷന്‍റെ ലേഡീസ് വിങ്ങിന് പുതിയ ഭരണസാരഥികള്‍. വി കെ എല്‍ ഹാളില്‍ നടന്ന ചടങ്ങില്‍ വിശിഷ്ടാതിഥിയായി പങ്കെടുത്ത ബഹറിനിലെ പ്രമുഖ എജുക്കേറ്ററും ആര്‍ട്ടിസ്റ്റും ആയ സൈറ രഞ്ചിന്‍റെ സാന്നിധ്യത്തില്‍ പ്രസിഡണ്ട് ഷൈനി നിത്യന്‍റെ നേതൃത്വത്തിലുള്ള ഭരണസമിതി ഭരണ സാരഥ്യം ഏറ്റെടുത്തു. ഐസിആര്‍എഫ് ചെയര്‍മാന്‍ അഡ്വക്കേറ്റ് വി കെ തോമസ് മുഖ്യാതിഥിയായി പങ്കെടുത്തു.
ലേഡീസ് വിംഗ് വൈസ് പ്രസിഡന്‍റ് പ്രെറ്റി റോയ്, ജനറല്‍ സെക്രട്ടറി സിമി അശോക്, ട്രഷറര്‍ ജോഫി ജെന്‍സണ്‍, മെമ്പര്‍ഷിപ്പ് സെക്രട്ടറി റോസ് ജോയല്‍, എന്‍റര്‍ടൈന്‍മെന്‍റ് സെക്രട്ടറി ബോണ്‍സി ജിതിന്‍, അസിസ്റ്റന്‍റ് ജനറല്‍ സെക്രട്ടറി മരിയ ജിബി, എക്സിക്യൂട്ടീവ് കമ്മിറ്റി മെമ്പര്‍മാരായ അനു ജെറിഷ്, സവിത ജെഫിന്‍, ലിജി മേരി മാത്യു എന്നിവരടങ്ങുന്നതാണ് ഭരണസമിതി. ലേഡീസ് വിങ് മുന്‍ കണ്‍വീനര്‍ ജൂലിയറ്റ് തോമസിന്‍റെയും, മുന്‍ പ്രസിഡന്‍റ് സിമി ലിയോയുടെയും നേതൃത്വത്തില്‍ ലേഡീസ് വിംഗ് ഭരണസമിതിയെ ചടങ്ങില്‍ ആദരിച്ചു.