ജോസച്ചായൻ പറഞ്ഞതിലും അല്പം നേരത്തെ എത്തും ‘ടർബോ’ മെയ് 23 ന് തിയറ്ററിൽ

കൊച്ചി: ആരാധകർ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടിയുടെ മാസ് ആക്ഷൻ കോമഡി എന്റർടെയ്ന്മെന്റ് ചിത്രമായ ‘ടർബോ‘ മെയ്‌ 23ന് തിയറ്ററുകളിലേക്ക് എത്തും. വൈശാഖ് സംവിധാനം ചെയ്യുന്ന ചിത്രം നേരത്തെ ജൂൺ 13ന് ആയിരുന്നു റിലീസ് തീയതി പ്രഖ്യാപിച്ചിരുന്നത്. മമ്മൂട്ടി കമ്പനിയുടെ ബാനറിൽ നിർമിക്കുന്ന അഞ്ചാമത്തെ സിനിമയാണ് ടർബോ. മമ്മൂട്ടി കമ്പനിയുടെ മുൻ‌ചിത്രങ്ങളെല്ലാം മികച്ചതായതിനാൽ പ്രേക്ഷകർക്ക് വലിയ പ്രതീക്ഷയാണ് ചിത്രത്തേക്കുറിച്ചുള്ളത്.