കൊച്ചി- സിനിമാ സൈറ്റിൽ മോശമായി പെരുമാറി എന്നാരോപിച്ച് നടൻ ഷൈൻ ടോം ചാക്കോക്ക് എതിരെ നടി വിൻസി അലോഷ്യസ് പരാതി നൽകി. ഫിലിം ചേംബറിനും സിനിമുടെ ഇന്റേണൽ കംപ്ലെയിന്റ് അതോറിറ്റിക്കുമാണ് പരാതി നൽകിയത്. ലഹരി ഉപയോഗിച്ച് തനിക്കെതിരെ മോശമായി പെരുമാറി എന്നായിരുന്നു കഴിഞ്ഞ ദിവസം വിൻസി അലോഷ്യസ് ആരോപിച്ചിരുന്നത്. ഷൂട്ടിംഗിനിടെ തനിക്കെതിരെ മോശമായി പെരുമാറി എന്നാണ് വിൻസി ആരോപിച്ചിരുന്നത്.
അതിനിടെ, കഴിഞ്ഞ ദിവസം മുതൽ തന്നെ കാണുന്നില്ലെന്ന് പറഞ്ഞവർക്ക് മറുപടിയുമായി ഷൈൻ ടോം ചാക്കോ രംഗത്തെത്തി. ശുചിമുറിയിലേക്ക് ഓടിക്കയറി തിരിച്ചിറങ്ങുന്ന വിഡിയോയാണ് ഷൈന്‍ ഇൻസ്റ്റഗ്രാം സ്റ്റോറിയായി പങ്കുവച്ചത്. ഹോട്ടലില്‍ നിന്ന് ചാടി രക്ഷപെട്ടുവെന്ന വാര്‍ത്തയെയും പരിഹസിച്ചു. ‘ഷൈന്‍ ടോം ചാക്കോ എവിടെ എന്ന് ചോദിക്കുന്നവര്‍ക്കായി, ഇതാ എക്സ്ക്ലൂസീവ് ഫൂട്ടേജ്.
അല്ലാതെ പിന്നെ ഞാന്‍ എന്ത് പറയാന്‍’ എന്ന് പറഞ്ഞാണ് ഷൈന്‍ വിഡിയോ പങ്കുവച്ചത്. പിന്നാലെ ഷൈന്‍ ടോം ചാക്കോയും വിന്‍സി അലോഷ്യസും പ്രധാനകഥാപാത്രങ്ങളായി എത്തുന്ന ‘സൂത്രവാക്യം’ എന്ന ചിത്രത്തിന്‍റെ പോസ്റ്ററും ഷൈന്‍ പങ്കുവെച്ചു.