നടൻ സന്തോഷ് കെ. നായർ വാഹനാപകടത്തിൽ അന്തരിച്ചു​

അടൂർ– എംസി റോഡിൽ ഏനാത്ത് പാലത്തിന് സമീപമുണ്ടായ വാഹനാപകടത്തിൽ ചലച്ചിത്ര-സീരിയൽ താരം സന്തോഷ് കെ. നായർ (62) അന്തരിച്ചു. ചൊവ്വാഴ്ച പുലർച്ചെ ആറരയോടെ അദ്ദേഹം സഞ്ചരിച്ചിരുന്ന കാർ നിയന്ത്രണം വിട്ട് പാഴ്സൽ ലോറിയിൽ ഇടിക്കുകയായിരുന്നു. ഉടൻതന്നെ അടൂരിലെ ലൈഫ് ലൈൻ ആശുപത്രിയിൽ എത്തിച്ചെങ്കിലും ചികിത്സയിലിരിക്കെ ഹൃദയാഘാതം സംഭവിക്കുകയായിരുന്നു.
​അപകടത്തിൽ സന്തോഷിന്റെ ഭാര്യ രാജലക്ഷ്മി (ശുഭശ്രീ), ലോറി ഡ്രൈവർ സുധീഷ് എന്നിവർക്ക് പരിക്കേറ്റു. 1982-ൽ ‘ഇതു ഞങ്ങളുടെ കഥ’ എന്ന ചിത്രത്തിലൂടെ അഭിനയരംഗത്തെത്തിയ സന്തോഷ്, നൂറിലധികം സിനിമകളിൽ ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്. നിലവിൽ തിയേറ്ററുകളിൽ തരംഗമായ ‘മോഹിനിയാട്ടം’ (ഭരതനാട്യം 2) ആണ് അദ്ദേഹം അവസാനമായി അഭിനയിച്ച ചിത്രം. സംസ്‌കാരം പിന്നീട്