കഴക്കൂട്ടത്ത് ദേശീയപാതയിൽ ഥാർ നിയന്ത്രണം വിട്ട് മറിഞ്ഞു; യുവാവിന് ദാരുണാന്ത്യം, രണ്ടുപേർക്ക് പരുക്ക്

തിരുവനന്തപുരം – കഴക്കൂട്ടത്ത് ദേശീയപാതയിൽ ഥാർ നിയന്ത്രണം വിട്ട് മറിഞ്ഞുണ്ടായ അപകടത്തിൽ യുവാവിന് ദാരുണാന്ത്യം. ബാലരാമപുരം സ്വദേശി ഷിബിനാണ് മരിച്ചത്. കഴക്കൂട്ടം എലിവേറ്റഡ് ഹൈവേയിലാണ് അപകടമുണ്ടായത്. ഥാറിലുണ്ടായിരുന്ന യുവതിയടക്കം രണ്ടുപേർക്ക് ഗുരുതര പരുക്കേറ്റു. ഞായറാഴ്ച പുലർച്ചെയായിരുന്നു അപകടം.

നിയന്ത്രണം വിട്ട ഥാർ ഹൈവേയിലെ തൂണില്‍ ഇടിച്ചാണ് അപകടമുണ്ടായത്. ഥാറിന്റെ മുൻവശം പൂർണമായി തകർന്നു. റേസിങ്ങിനിടെയാണ് അപകടമുണ്ടായതെന്നാണ് സംശയം. സംഭവത്തില്‍ കഴക്കൂട്ടം പൊലീസ് അന്വേഷണം ആരംഭിച്ചു.