തിരുവനന്തപുരം: നാളെ സര്വീസ് ആരംഭിക്കുന്ന നവകേരള ബസ് ടിക്കറ്റ് മണിക്കൂറുകള്ക്കകം വിറ്റു തീര്ന്നു. കോഴിക്കോട്-ബംഗളൂരു റൂട്ടില് സർവീസ് നടത്തുന്ന ബസില് 26 പുഷ് ബാക്ക് സീറ്റാണുള്ളത്. 1,171 രൂപയാണ് സെസ് അടക്കമുള്ള ടിക്കറ്റ് നിരക്ക്. എസി ബസുകള്ക്കുള്ള അഞ്ച് ശതമാനം ആഡംബര നികുതിയും നല്കണം.
ബസിന്റെ പടികള് കയറാന് കഴിയാത്ത ഭിന്നശേഷിക്കാര്, മുതിര്ന്ന പൗരന്മാര് തുടങ്ങിയവര്ക്ക് ബസിനുള്ളില് കയറാന് ഹൈഡ്രോളിക് ലിഫ്റ്റുണ്ട്. മുഖ്യമന്ത്രിക്ക് ഇരിക്കാന് ഒരുക്കിയ ചെയര് മാറ്റി ഡബിള് സീറ്റാക്കി. ബസിന്റെ നിറത്തിലോ രൂപത്തിലോ മാറ്റം വരുത്തിയിട്ടില്ല.
എല്ലാ ദിവസവും പുലര്ച്ചെ നാലിന് കോഴിക്കോടുനിന്നും യാത്രതിരിച്ച് 11.35ന് ബംഗളൂരുവില് എത്തും. പകല് 2.30ന് ബംഗളൂരുവില്നിന്നു തിരിച്ച് രാത്രി 10.05ന് കോഴിക്കോട്ട് എത്തിച്ചേരും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group