അമിത് ഷായുടെ ഹെലികോപ്റ്റർ അപകടത്തിൽപ്പെട്ടു, രക്ഷപ്പെട്ടത് തലനാരിഴക്ക്

ന്യൂദൽഹി- കേന്ദ്ര ആഭ്യന്തര മന്ത്രി അമിത് ഷായുടെ ഹെലികോപ്റ്റർ അപകടത്തിൽ പെട്ടു. അമിത് ഷാ തലനാരിഴക്ക് രക്ഷപ്പെട്ടു. ബീഹാറിലെ ബെഗുസാരായിയിലാണ് സംഭവം. പറന്നുയരുന്നതിന് മുമ്പ് അമിത് ഷായുടെ ഹെലികോപ്റ്റർ കുറച്ച് സമയത്തേക്ക് നിയന്ത്രണം വിടുകയായിരുന്നു. 59 കാരനായ ആഭ്യന്തരമന്ത്രി ബിഹാറിൽ തിരഞ്ഞെടുപ്പ് റാലിക്ക് എത്തിയതായിരുന്നു.

ഹെലികോപ്ടർ പറന്നുയരുന്നതും വലതുവശത്തേക്ക് ആടിയുലയുന്നതും ഏതാണ്ട് നിലത്ത് സ്പർശിക്കുന്നതും അധികാം വൈകാതെ പൈലറ്റ് നിയന്ത്രണം തിരിച്ചുപിടിക്കുകയും ഹെലികോപ്ടർ അതിൻ്റെ സഞ്ചാരപഥം വീണ്ടെടുത്ത് പറന്നുയരുകയും ചെയ്യുന്നതും വീഡിയോയിൽ കാണാം.