കൊച്ചി – കൊച്ചി കോര്പ്പറേഷന് മേയറായി കോണ്ഗ്രസിന്റെ വി കെ മിനിമോള് തെരഞ്ഞെടുക്കപ്പെട്ടു. 76 അംഗ കോര്പ്പറേഷനില് 48 അംഗങ്ങളുടെ പിന്തുണയോടെയാണ് മിനിമോള് വിജയിച്ചത്. മിനിമോളെ ഷാളണിയിച്ച് ദീപ്തി മേരി വർഗീസ് അഭിനന്ദിച്ചു. മറ്റിടങ്ങളിൽ വോട്ടെടുപ്പ് തുടരുകയാണ്.
മേയറെ തിരഞ്ഞെടുത്തതിനു ശേഷമാണ് ഡപ്യൂട്ടി മേയർ തിരഞ്ഞെടുപ്പ് നടത്തുക. ഉച്ചതിരിഞ്ഞ് രണ്ടരയോടെ ഡപ്യൂട്ടി മേയർ തിരഞ്ഞെടുപ്പും നടത്തും. സംസ്ഥാനത്തെ ആറ് കോർപറേഷനുകളിൽ കണ്ണൂർ, തൃശൂർ കൊച്ചി എന്നിവിടങ്ങളിൽ മേയർ സ്ഥാനം വനിതകൾക്കാണ് സംവരണം ചെയ്തിട്ടുള്ളത്. ആദ്യ രണ്ടരവർഷമാണ് മിനിമോൾ മേയറാവുക. തുടർന്നുള്ള രണ്ടരവർഷം ഷൈനി മേയറാകും. ദിവസങ്ങൾ നീണ്ട ചർച്ചകൾക്കൊടുവിലാണ് യു.ഡി.എഫ് മേയർ സ്ഥാനാർഥികളിൽ തീരുമാനമെടുത്തത്.
സൗമിനി ജയിനു ശേഷം നഗരസഭ മേയര് പദവിയിലെത്തുന്ന വനിതാ നേതാവാണ് മിനിമോള്. മഹിളാ കോണ്ഗ്രസ് സംസ്ഥാന ഉപാധ്യക്ഷയാണ് മിനിമോള്. ഇടതുമുന്നണിക്ക് വേണ്ടി ജഗദംബികയാണ് മേയര് സ്ഥാനത്തേക്ക് മത്സരിച്ചത്. 22 വോട്ടുകളാണ് എല്ഡിഎഫ് സ്ഥാനാര്ത്ഥിക്ക് ലഭിച്ചത്. എന്ഡിഎയ്ക്ക് വേണ്ടി മത്സരിച്ച പ്രിയ പ്രശാന്തിന് ആറു വോട്ടുകളും ലഭിച്ചു.