ജനീവ– പോർച്ചുഗീസ് സൂപ്പർതാരം ക്രിസ്റ്റ്യാനോ റൊണാൾഡോക്ക് ഫിഫ നൽകിയ റെഡ് കാർഡ് വിലക്കിൽ ഇളവ് ചെയ്ത നടപടിക്കെതിരെ എതിരാളികളായ ദേശീയ ടീമുകൾ കായിക കോടതിയെ സമീപിക്കുമെന്ന് റിപ്പോർട്ടുകൾ. നവംബർ 13-ന് ഡബ്ലിനിൽ നടന്ന ലോകകപ്പ് യോഗ്യതാ മത്സരത്തിൽ റിപ്പബ്ലിക് ഓഫ് അയർലൻഡിനെതിരെ ഡിഫൻഡർ ദാരാ ഓ’ഷീയെ കൈമുട്ട് കൊണ്ട് ഇടിച്ചതിനെ തുടർന്ന് താരത്തിന് ചുവപ്പ് കാർഡ് ലഭിച്ചിരുന്നു. അന്താരാഷ്ട്ര കരിയറിൽ റൊണാൾഡോക്ക് ലഭിച്ച ആദ്യത്തെ ചുവപ്പ് കാർഡായിരുന്നു ഇത്. മത്സരത്തിൽ എതിരില്ലാത്ത രണ്ടു ഗോളുകൾക്ക് പരാജയപെട്ടതിന് പിന്നാലെ താരത്തിന് മൂന്ന് മത്സരങ്ങളിൽ വിലക്കും ഏർപ്പെടുത്തിയിരുന്നു.
2026 ലോകകപ്പിലെ ആദ്യ മത്സരങ്ങൾ റൊണാൾഡോക്ക് നഷ്ടമാകുമെന്ന ഫുട്ബോൾ ലോകത്തെ ചർച്ചയ്ക്കിടെയാണ് നവംബർ 25ന് വിലക്ക് ഒരു മത്സരമായി കുറച്ചത്.
പോർച്ചുഗലിന്റെ കഴിഞ്ഞ ലോകകപ്പ് യോഗ്യതാ മത്സരത്തിൽ അർമേനിയക്കെതിരെ താരത്തിന് ഇറങ്ങാൻ സാധിക്കാത്തതിനാൽ തന്നെ ലോകകപ്പിലെ ഒരു മത്സരവും താരത്തിന് നഷ്ടമാവില്ല. പല പ്രമുഖ മാധ്യമങ്ങൾ ഫിഫയുടെ ഈ നടപടിയിൽ അമേരിക്കൻ പ്രസിഡന്റ് ഡോണൾഡ് ട്രംപിന്റെ ഇടപെടലുകൾ ഉണ്ടെന്ന് ആരോപണങ്ങൾ ഉയർത്തുന്നുണ്ട്. കഴിഞ്ഞ ആഴ്ചയാണ് വൈറ്റ് ഹൗസിൽ ട്രംപും റൊണാൾഡോയും കൂടിക്കാഴ്ച നടത്തിയത്. ഇതിന് പിന്നൊലയാണ് എതിർ ടീമുകൾ കായിക കോടതിയെ സമീപിക്കുമെന്ന റിപ്പോർട്ടുകൾ പുറത്തു വരുന്നത്.
പല പ്രമുഖ മാധ്യമങ്ങൾ ഫിഫയുടെ ഈ നടപടിയിൽ അമേരിക്കൻ പ്രസിഡന്റ് ഡോണൾഡ് ട്രംപിന്റെ ഇടപെടലുകൾ ഉണ്ടെന്ന് ആരോപണങ്ങൾ ഉയർത്തുന്നുണ്ട്. കഴിഞ്ഞ ആഴ്ചയാണ് വൈറ്റ് ഹൗസിൽ ട്രംപും റൊണാൾഡോയും കൂടിക്കാഴ്ച നടത്തിയത്.