മയക്കുമരുന്ന് കടത്ത്: വിദേശ വനിതയുടെ വധശിക്ഷ നടപ്പാക്കി

ജിദ്ദ– മയക്കുമരുന്ന് കടത്ത് പ്രതിയായ വിദേശ വനിതയുടെ വധശിക്ഷ മക്ക പ്രവിശ്യയിൽ ഇന്ന് നടപ്പാക്കിയതായി ആഭ്യന്തര മന്ത്രാലയം അറിയിച്ചു. സൗദിയിലേക്ക് കൊക്കൈൻ കടത്തുന്നതിനിടെ അറസ്റ്റിലായ നൈജീരിയക്കാരി ദൈബൂറ അലോഫോൻകി അമൂസാന്റെ വധശിക്ഷയാണ് നടപ്പാക്കിയത്.

വിചാരണ കോടതി വധശിക്ഷ വിധിക്കുകയും അപ്പീൽ കോടതിയും സുപ്രീം കോടതിയും ഇത് ശരിവെക്കുകയും ശിക്ഷ നടപ്പാക്കാൻ തിരുഗേങ്ങളുടെ സേവകൻ സൽമാൻ രാജാവ് അനുമതി നൽകുകയും ചെയ്തതിനെ തുടർന്നാണ് വധശിക്ഷ നടപ്പാക്കിയത്.